दिल्ली | Delhi
देशात गेल्या काही दिवसांमध्ये करोनाबाधितांच्या संख्येत घसरण दिसत आहे. मागील २४ तासात करोना रुग्णसंख्या पुन्हा एकदा वाढली आहे. गेल्या २४ तासात देशात ५४ हजाराच्यावर रूग्ण आढळून आले आहे. केंद्रीय आरोग्य मंत्रालयाने दिलेल्या माहितीनुसार,
गेल्या २४ तासात ६९० रुग्णाचा मृत्यू झाला आहे. तर गेल्या २४ तासात ५४ हजार ३६६ रूग्ण आढळले आहे. देशातील एकूण करोना बाधितांची संख्या ७७ लाख ६१ हजार ३१२ इतकी झाली आहे. त्यातील आजपर्यंत ६९ लाख ४८ हजार ४९७ रूग्ण करोनामुक्त झाले असून ६ लाख ९५ हजार ५०९ रुग्णांवर उपचार सुरू आहेत. देशात आजपर्यंत १ लाख १७ हजार ६१६ रुग्णांचा दुर्देवी मृत्यू झाला आहे.
महाराष्ट्रातील स्थिती
राज्यात मागील २४ तासात ७ हजार ५३९ करोना बाधित रुग्णांची वाढ झाली व एकूण संख्या आता १६ लाख २५ हजार १९७ एवढी झाली आहे. तर काल एका दिवसात १६ हजार १७७ करोना बाधित रुग्ण बरे झाले आहेत. आतापर्यंत एकूण १४ लाख ३१ हजार ८५६ रुग्ण बरे होऊन दवाखान्यातून घरी पाठविण्यात आले आहेत. तर राज्यात एकूण १ लाख ५० हजार ५१० रुग्णांवर उपचार सुरू आहेत. दरम्यान, काल एका दिवसात १९८ रुग्णांचा मृत्यू झाला आहे. आतापर्यंत राज्यात एकूण ४२ हजार ६३१ रुग्णांचा मृत्यू झाला आहे.
