भारतात करोनाचा उद्रेक सुरूच, गेल्या २४ तासांत १.३१ लाख रुग्ण

दिल्ली | Delhi

करोनाचा उद्रेक दिवसागणिक वाढताना दिसून येत आहे. दररोज मोठ्या संख्येने नवीन करोनाबाधित सापडत आहे. देशात गेल्या २४ तासात करोना रुग्णवाढीचा उच्चांक नोंदवला गेला आहे.

आरोग्य मंत्रालयाने दिलेल्या माहितीनुसार, गेल्या २४ तासात देशात तब्बल १ लाख ३१ हजार ९६८ नव्या करोना रुग्णांची नोंद झाली आहे. देशातील एकूण रुग्ण संख्या १ कोटी ३० लाख ६० हजार ५४२ इतकी झाली आहे.

तसेच गेल्या २४ तासात ६१ हजार ८९९ जण उपचारानंतर बरे झाले असून ७८० जणांचा मृत्यू झाला आहे. आजपर्यंत १ कोटी १९ लाख १२ हजार २९२ रुग्ण उपचारानंतर बरे झाले आहेत. देशात सक्रिय रुग्णाची संख्या ९ लाख ७९ हजार ६०८ इतकी झाली असून मृतांची संख्या १ लाख ६७ हजार ६४२ इतकी झाली आहे.