<p><strong>नाशिक । प्रतिनिधी</strong></p><p>नाशिक शहरासह जिल्ह्याच्या ग्रामिण भागात कारोनाचा उद्रेक दिवसेंदिवस वाढत असून आज एकाच दिवसात पुन्हा एकदा विक्रमी 4 हजार 334 पॉझिटिव्ह रूग्ण आढळले आहेत. यात नाशिक ग्रामिण भागाील सुमारे 1 हजार 768 रूग्णांचा सामावेश आहे. तर मृत्यूचा दरही वाढला असून आज 22 बळी गेले आहेत यातील 10 ग्रामिण भागातील आहेत. </p>.<p>नाशिक शहराबरोबरच ग्रामिण भागात कोरोनाचे रूग्ण झपाट्याने वाढत आहेत. शनिवारी हा आकडा अचानक 4 हजार 334 वर पोहचला आहे. परिणामी आतापर्यंत जिल्ह्यातील करोना पॉझिटिव्हचा आकडा 1 लाख 93 हजार 635 च्यावर पोहचला आहे. तर सध्या जिल्हाभरात 33 हजार 751 रूग्णांवर उपचार सुरू आहेत. मागील चोवीस तासात 3 हजार 98 रूग्णांनी करोनावर मात केली. यामुळे आतापर्यंत करोनामुक्त होणारांचा आकडा 1 लाख 61 हजार 743 वर पोहचला आहे.</p><p>जिल्हा प्रशासनास प्राप्त अहवालानुसार मागील 24 तासात 4 हजार 334 रुग्णांचे अहवाल पॉझिटिव्ह आहेत. यामध्ये नाशिक शहरातील सर्वाधिक 2 हजार 401 रुग्ण आहेत. यामुळे नाशिक शहराचा आकडा 1 लाख 21 हजार 244 वर पोहचला आहे. ग्रामिण भागातही रूग्ण संख्या झपाट्याने वाढीस लागली असून आज ग्रामिण भागातील 1 हजार 768 पॉझिटिव्ह रुग्ण आढळले आहेत. यामुळे ग्रामिण भागातील रुग्णांचा आकडा 60 हजार 817 झाला आहे. मालेगावात 91 रूग्ण आढळल्याने येथील आकडा 9 हजार 22 झाला आहेे. जिल्हा बाह्यचा आकडा 2 हजार 552 झाला आहे.</p><p>याबरोबरच करोना मृत्यूमध्ये सातत्य असून यामध्ये आज जिल्ह्यात 22 रुग्णांचा मृत्यू झाला आहे. यात नाशिक शहरातील 8, ग्रामिण भागातील 10, मालेगाव 3 तर जिल्हाबाह्य 1 रूग्णांचा सामावेश आहे. यामुळे जिल्ह्यात मृत्युचा आकडा 2 हजार 447 इतका झाला आहे. याबरोबरच दुसरीकडे नव्याने दाखल होणार्या संशयितांचा आकडाही वाढत चालला असून मागील चोवीस तासात 4 हजार 306 नवे संशयित दाखल झाले आहेत. यामध्ये सर्वाधिक 4 हजार 544 रूग्ण नाशिक शहरातील आहेत. ग्रामिण भागातील 207 तर मालेगाव येथील 45 रूग्ण आहेत.</p><p><em><strong>जिल्हा प्रशासनाच्या अहवालानुसार</strong></em></p><p>* एकूण करोना बाधित : 1,93,635</p><p>* नाशिक : 1,21,244</p><p>* मालेगाव : 9,022</p><p>* उर्वरित जिल्हा : 60,817</p><p>* जिल्हा बाह्य ः 2,552</p><p>* एकूण मृत्यू: 2,447</p><p>* करोनामुक्त : 1,61,743</p>
