चोपडा chopada ( प्रतिनिधी )
भाऊबीज ( brother-in-law) आटोपल्यावर बहिणीला (Sister) माहेरी घेऊन जाणाऱ्या भावाच्या दुचाकीला (Brother’s bike) धरणगाव कडून भरधाव वेगात येणाऱ्या कंटेनरने (container) जोरदार धडक (hit hard) दिल्याने झालेल्या भीषण अपघातात (terrible accident) दुचाकीवरील चाळीस वर्षीय मामाचा व पाच वर्षीय भाचीचा (Uncle and niece) जागीच मृत्यू (Death on the spot) झाला तर विवाहित बहीण (Married sister) गंभीर जखमी (seriously injured) झाल्याची हृदयद्रावक घटना आज शुक्रवारी दुपारी ३:३० वाजेच्या सुमारास चोपड्याजवळ (Chopda) रेल मारोतीच्या (Rail Maroti)वळणावर घडली. अपघातात दीड वर्षीय भाच्याचे नशीब बलवत्तर होते म्हणून सुखरूप बचावला. गंभीर जखमी विवाहितेला शहरातील खासगी हॉस्पिटल मध्ये उपचारासाठी दाखल करण्यात आले असून, त्यांची प्रकृती अत्यवस्थ असल्याचे समजते.
दहिदूले ता.धरणगाव येथील समाधान रामचंद्र सपकाळे हे आज २८ ऑक्टोबर रोजी शुक्रवारी विरवाडे (ता.चोपडा) येथून भाऊबीजेचा कार्यक्रम आटोपून बहिण,भाची व भाचा अशांना घेऊन दहिदूले येथे दुचाकी क्रमांक-एमएच-१९ सीएच- ५७१४ वर जात असतांना धरणगावकडून
भरधाव वेगाने येणारा एचआर-३६ बी ४६८८ या कंटेनरने रेल मारोतीच्या नागमोडी वळणावर
समोरून येणाऱ्या दुचाकीला जोरदार धडक दिल्याने झालेल्या भीषण अपघातात समाधान रामचंद्र सपकाळे (वय-४०) व विधी विनोद कोळी (वय-५) या मामा व भाचीचा जागीच मृत्यू झाला तर विवाहित बहीण चंद्रकला विनोद कोळी (वय- ३५) गंभीर झाल्या असून सुदैवाने दीड वर्षीय भाचा ललित विनोद कोळी याचे नशीब बलवत्तर होते म्हणून तो सुखरूप बचावला.
अपघाताची माहिती मिळताच नागरिक व पोलिसांनी घटना स्थळावर घाव घेऊन सर्व जखमींना तात्काळ उपजिल्हा रुग्णालयात उपचारासाठी दाखल केले. यावेळी डॉक्टरांनी समाधान रामचंद्र सपकाळे व विधी विनोद कोळी यांना मृत घोषित केले.
तर गंभीर जखमी चंद्रकला विनोद कोळी यांचेवर प्रथमोपचार करून शहरातील खासगी मोरेश्वर हॉस्पिटलला उपचारासाठी दाखल करण्यात आले आहे. अपघातामुळे घटनास्थळावर येणाऱ्या जाणाऱ्या प्रवाशांसह स्थानिक नागरिकांनी तोबा गर्दी केल्याने चोपडा-धरणगाव रस्त्यावरील वाहतूक काही काळासाठी प्रभावीत झाली होती.
उपजिल्हा रुग्णालयात देखील नातेवाईकांसह नागरिकांनी मोठी गर्दी केली होती.अपघातात मृतांबद्दल हळहळ व्यक्त करण्यात येत होती.
अपघातस्थळी पोलिसांची कुमक दाखल
अपघाताची माहिती मिळताच सहाय्यक पोलीस निरीक्षक संतोष चव्हाण,पोहेकॉ.प्रदीप राजपूत, पोहेकॉ.जितेंद्र चव्हाण,पोना.मधुकर पवार, पोना. हेमत कोळी, पोकॉ.रवी पाटील,आखतवाडे येथील पोलीस पाटील नितीन आबाजी पाटील आदींनी तात्काळ घटनास्थळ गाठून जखमींना नागरिकांच्या मदतीने उपजिल्हा रुग्णालयात उपचारासाठी दाखल केले.
समाधान कोळीची अखेरची भाऊबीज
भरधाव वेगाने येणाऱ्या कंटेनरने दुचाकीला जोरदार धडक दिल्याने समाधान रामचंद्र कोळी रा.दहिदुल्ले,ता.धरणगाव व विरवाडे ता.चोपडा येथील पाच वर्षांची कु.विधी विनोद कोळी या मामा भाचीचा जागीच मृत्यू झाला.समाधान कोळी हा हात मजुरी करणारा असून शुक्रवारी भाऊबीजेचे औचित्य साधून विवाहित बहिण चंद्रकला विनोद कोळी हिला घेण्यासाठी सकाळी आला होता.दुपारी जेवण आटोपून बहिण,भाचा- भाचीला घेऊन तो दुचाकीवर आपल्या घरी जात असतांना काळाने झडप घातल्याने त्याचा दूर्दैवी मृत्यू झाला.त्यामुळे बिचाऱ्या भावाची ही शेवटची भाऊबीज ठरली आहे.
पोलिसात अपघाताचा गुन्हा दाखल
कंटेनर व दुचाकीच्या भीषण अपघात प्रकरणी आखतवाडे येथील पोलीस पाटील नितीन आबाजी पाटील यांच्या फिर्यादीवरुन शहर पोलीस स्टेशनला गुरनं.४३३/२०२२ भादवि कलम-३०४,२७९,३३७,३३८,४२७ मोटर वाहन कायदा -१८४ प्रमाणे अपघाताचा गुन्हा दाखल
करण्यात आला असून,तपास पोलीस निरीक्षक अवतारसिंग चव्हाण यांच्या मार्गदर्शनाखाली
सहाय्यक पोलीस निरीक्षक संतोष चव्हाण करीत आहेत.
