१०० दिवसांनी शिवराजसिंह चौहान सरकारचा मंत्रिमंडळ विस्तार

मध्यप्रदेश मधील शिवराजसिंह चौहान यांच्या सरकारच्या २८ मंत्र्यांनी आज शपथ घेतली आहे. यात २० कॅबिनेट तर ८ राज्यमंत्र्यांनी शपथ घेतली आहे.

शपथविधी उत्तरप्रदेशच्या राज्यपाल आनंदीबेन पटेल यांच्या उपस्थित झाला. त्यांच्याकडे मध्यप्रदेशचा अतिरिक्त कार्यभार सोपविण्यात आला आहे.

आजच्या शपथविधीमध्ये शपथ घेणाऱ्या आमदारांमध्ये काँग्रेसला सोडून भाजपवासी झालेले ज्योतिरादित्य सिंधिया यांच्या काकू आणि भाजप आमदार यशोधरा राजे सिंधिया यांनी सकाळी शपथ घेतली आहे. १२ सिंधिया समर्थक आमदारांनी देखील शपथ घेतली आहे.

मध्यप्रदेशातील भाजप आमदार गोपाल भार्गव, इमरती देवी, प्रभुराम चौधरी, प्रभूमनसिंग तोमर या बड्या नेत्यांच्या देखील समवेश आहे.