उद्धव ठाकरेंना मोठा धक्का; खा.गजानन किर्तीकरांचा शिंदे गटात प्रवेश

मुबई | प्रतिनिधी Mumbai

खा.गजानन किर्तीकर ( MP Gajanan Kirtikar ) शिंदे गटात प्रवेश करण्याच्या चर्चा रंगल्या होत्या. गोरेगाव येथे ठाकरे गटाच्या मेळाव्यात आणि दसऱ्याला बोलताना काँग्रेस आणि राष्ट्रवादीबरोबर युती करून चूक केली, असा सल्ला उद्धव ठाकरेंना दिला होता.

त्यातच गजानन किर्तीकर यांनी शिंदे गटाचे नेते रामदास कदम यांची भेट घेतली होती. त्यानंतर आज ( ११ नोव्हेंबर ) गजानन किर्तीकर यांनी मुख्यमंत्री एकनाथ शिंदेंच्या उपस्थितीत मुंबईतील रवींद्र नाट्यमंदिर येथे शिंदे गटात प्रवेश केला आहे.गजानन किर्तीकर यांच्या प्रवेशाने शिंदे गटात सामील झालेल्या खासदारांची संख्या १३ वर गेली आहे.