१२ सप्टेंबरपासून ८० रेल्वे सुरु होणार

नवी दिल्ली :

गेले ५ महिने करोनाने देशाभरात थैमान घातले आहे. यामुळे मार्चपासून देशात लॉकडाऊन करण्यात आला. आता अनलॉकचा चौथा टप्पा सुरु असताना ८० रेल्वे गाड्या सुरु होणार आहेत.

लॉकडाउनमुळे सर्वसामान्य प्रवाशांसाठी रेल्वे बंद आहे. ती कधी सुरु होणार याकडे सर्वांचे लक्ष लागले असून रेल्वेनेच याबाबतची माहिती दिली आहे. लॉकडाउनच्या चौथ्या टप्प्यात मेट्रोला हिरवा कंदील दाखवल्यानंतर आता ४० अप व डाऊन म्हणजे ८० रेल्वेही सुरु होणार आहेत. १२ सप्टेंबरपासून सुरु होणाऱ्या या गाड्यांसाठी १० सप्टेंबरपासून आरक्षण सुरु होणार आहे. रेल्वे बोर्डाचे चेअरमन विनोदकुमार यादव यांनी टि्वट करुन ही माहिती दिली.