जळगाव | प्रतिनिधी
कोरोनाच्या पार्श्‍वभूमीवर सीमा बंदी १५ एप्रिलला रात्री १ वाजेपर्यंत कायम ठेवण्यात आलेली आहे, असे आदेश जिल्हाधिकारी डॉ. अविनाश ढाकणे यांनी निर्गमित केले आहे.
राज्य शासनाने कोरोना विषाणुचा (कोव्हीड-१९) प्रादुर्भाव रोखण्यासाठी राज्यात साथरोग प्रतिबंधक कायदा १८९७ दि.१३.३.२०२० पासुन लागू करुन खंड १,३ व ४ मधील तरतुदी नुसार अधिसूचना निर्गमित केलेली आहे. जळगाव शहरात कोरोना (कोव्हीड-१९) विषाणूचा प्रादुर्भाव होण्याचा धोका लक्षात घेता प्रतिबंधात्मक उपाययोजना म्हणू्न नागरिकांची एका ठिकाणी गर्दी टाळण्यासाठी जिल्ह्यात ३१ माच पर्यंत सीमा बंदी लागू करण्यात आली होती.
शासनाने १४ एप्रिल पर्यंत संपूर्ण राज्यात बंदी (लॉक डाऊन) लागू करण्यात आली असल्याने तसेच कोरोना विषाणूचा संसर्ग वाढण्याची शक्यता लक्षात घेता व त्यात वाढ होऊ नये म्हणून दि.२३ मार्च रोजी सीमा बंदी केलेली होती. ही सीमा बंदी १५ एप्रिल पर्यंत रात्री १ वाजेपर्यंत कायम ठेवण्यात आलेली आहे, असे आदेश जिल्हाधिकारी डॉ.ढाकणे यांनी दिले.
