चाळीसगाव | प्रतिनिधी
शहरातील हिरापूर रोडस्थित एकाच्या बंद घराचा कडीकोंडा तोडून, आत ठेवलेले ९६ हजार रुपये किमतीच्या सोन्याच्या दागिन्यावर अज्ञात चोरट्याने हात साफ केला आहे. याप्रकरणी चाळीसगव पोलीसात अज्ञात चोरट्याविरोधात गुन्हा दाखल करण्यात आला आहे.
- Advertisement -
हिलाल अन्ना पाटील रा.गणेशपूर, ह.मु.हिरापूर रोड, चाळीसगाव हे दि.१५ रोजी बाहेर गेले असता, अवघ्या तासाभरात त्यांच्या बंद घराच्या दरवाजाचे कुलूप तोंडून अज्ञात चोरट्यांनी आत प्रवेश केला व कपाटात ठेवलेले ९६ हजार रुपये किंमतीचे सोन्याचे दागिने घेवून पोबरा केला.
याबाबत चाळीसगाव पोलीसात हिलाल अन्ना पाटील यांनी दिलेल्या फिर्यादीवरुन अज्ञात चोरट्याविरोधात गुन्हा दाखल करण्यात आला आहे. पुढील तपास पोलीस करीत आहेत