साप्ताहिक राशीभविष्य

9 ते 15 सप्टेंबर 2021
साप्ताहिक राशीभविष्य
साप्ताहिक राशीभविष्यweekly Horoscope

मेष - वेळचा योग्य वापर करा

या आठवड्यात सर्वकाही मध्यम राहील. तुम्हाला आर्थिकदृष्ट्या वातावरण अनुकूल नसेल. तुम्ही मानसिक दृष्ट्या त्रस्त राहाल. आप्तजनांकडून वाईट बातमी कळू शकेल. ज्याची तुम्ही इतक्या आतुरतेने वाट पाहत होतात तो क्षण तुमचा दरवाजा ठोठावणारच आहे. जुन्या कोर्ट-खटल्यांपासून सुटका मिळेल. वेळचा योग्य वापर करा. मनातल्या इच्छा पूर्ण होतील. स्वाध्यायात आवड वाढेल, व्यापार चालेल. ज्यांच्या मदतीने करिअरच्या बाबतीत ही वेळ नोकरीपेशा जातकांसाठी खूप आनंदी व्यतीत होईल.

शुभ तारखा : 9, 11, 14

वृषभ - स्पर्धेत यश मिळेल

या आठवड्यात काहीतरी खास होणार आहे. राजकारणातली आवड उच्च स्थानावर पोहोचायला सहाय्यभूत ठरेल. स्पर्धेत यश मिळेल. साहित्य, संगीतातील आवडीचा फायदा होईल. तब्येतीची काळजी घ्या. महिन्याच्या पूर्वार्धात खर्च अधिक होईल, ज्यामुळे धन संचयात अडचण निर्माण होईल. आठवड्याच्या मध्यभागी सन्मान वाढेल. सामाजिक प्रतिष्ठा देखील वाढेल. आठवड्याच्या मध्यात ग्रहांच्या संक्रमणाची सुसंगतता व्यवसायात वाढ देईल. परोपकारी गोष्टींमध्ये शामिल होतांना दिसाल, ज्याचे फळ तुम्हाला करिअरमध्ये प्रगती देण्याचे कार्य करेल. अतिरागामुळे कौटुंबिक शांतता भंग होऊ शकते. विद्यार्थ्यांसाठीही वेळ अनुकूल असेल. नवीन जोडप्यांना अपत्यप्राप्ती.

शुभ तारखा : 10, 13, 15

मिथुन- एकाग्रचित्ताने काम करा

ही वेळ निव्वळ योजना आखण्याची नाही तर त्यावर अंमलबजावणी करण्याची आहे. अचानक एखाद्या दूरवरच्या प्रवासाला जाऊ शकता. जीवनात नवा आनंद प्राप्त होणारच आहे, खुल्या मनाने त्याचे स्वागत करा. एकाग्रचित्ताने काम करा. यश नक्की मिळेल. कुटुंबासोबत वेळ घालवण्याची संधी मिळेल. कुठेतरी बाहेर फिरायलाही जाऊ शकाल. शत्रू तुमचे नुकसान करण्यासाठी टपून बसले आहेत, सावध राहा. परिवारात नवा आनंद येणार आहे. एकुणच हा महिना चांगलेच फळ देईल. धावपळ आणि अति खर्चाला सामोरे जावे लागेल. यामुळे आर्थिक संकटही उद्भवू शकते.

शुभ तारखा : 12, 13, 15

कर्क- अभ्यासावर लक्ष केंद्रीत करा

आठवड्याच्या टप्प्यात आर्थिक बाजूत सुधार होण्याची चिन्हे आहेत. पण शारीरिकदृष्ट्या पोट आणि गुडघ्याच्या दुखण्याचा त्रास होऊ शकतो. आप्तजनांची साथ तुम्हाला जीवनात पुढे जाण्याची प्रेरणा देत राहील. शत्रू शांत असतील. सर्व काही सामान्य राहील. उगीचच इथे-तिथे भटकणे टाळा. अभ्यासावर लक्ष केंद्रीत करा. चढ-उताराच्या दृष्टीने या महिन्याचा उत्तरार्ध ठीक असेल. अडलेली कामे पूर्ण होण्याची वेळ जवळ आली अहे.

शुभ तारखा : 10, 14

सिंह- रचनात्मकतेचे कौतूक होईल

मानसिक शांती लाभेल. तणाव पुरेशा प्रमाणात कमी होऊ शकेल. चित्त शांत राहील. अपत्याकडून शुभ बातमी कळेल. एखाद्या गरजू व्यक्तीला मदत करा, त्यामुळे तुम्हाला चांगले वाटेल. परिवारात आपला सम्मान वाढेल. तुमच्या बोलण्याला वजन येईल. आपल्या रचनात्मकतेचे कौतूक होईल. भौतिक साधनांवर पैसे खर्च होतील. मित्रांचे सहकार्य आपल्या जीवनाच्या गाडीला गतिमान करेल. शिक्षकांच्या सहकार्याने विद्यार्थी वर्गाला लाभ होईल. नोकरीत पुढे जाण्याची आशा आहे. आरोग्याप्रती सजग राहा.

शुभ तारखा : 14, 15

कन्या - आनंदात वाढ होईल

कोणीतरी जवळचा व्यक्ती तुमचा विश्वासघात करू शकतो. नोकरीत जागाबदल होण्याचे योग आहेत. वैवाहिक संबंधांमध्ये कटुता येऊ शकते. जोडीदाराच्या प्रती उदार धोरण ठेऊन वागा. तुमचा राग बनत्या गोष्टी बिघडवू शकतो. मद्यसेवनापासून दूर राहा, हे तुमच्यासाठी हितकारक आहे. अडकलेले धन परत मिळेल. कोर्ट-कचेरीची प्रकरणे सुरळीत होतील. आनंदात वाढ होईल. मुलांच्या बाजूने काही तरी त्रास होण्याची शक्यता आहे. जोडीदाराची तब्येत चिंताजनक असेल. डोकेदुखी सारखे विकार त्रस्त करतील. प्रवास टाळणे हितकारक ठरतील.

शुभ तारखा : 13, 14, 15

तूळ- वाणीला नियंत्रणात ठेवा

कर्जाऊ रक्कम घ्यावी लागेल. व्यापारी वर्गासाठी हा महिना फारच लाभदायक आहे. नशीब आपल्यासोबत आहे, पण बेपर्वाई आपल्याला फार मोठी हानी पोहोचवू शकते. महिला आणि वृद्धांना सांधेदुखीचा त्रास सोसावा लागू शकतो. लक्षात ठेवा क्रोध तुमचे नुकसानच करतो. तुमच्या वाणीला नियंत्रणात ठेवा. तुमच्या कुठल्यातरी गोष्टीवर तुमचा जोडीदार नाराज होऊ शकतो. कुठल्यातरी दुर्घटनेची शक्यता तयार होत आहे, यामुळे अतिरिक्त सावधानी बाळगा.

शुभ तारखा : 12, 13, 14

वृश्चिक - वाहन चालवताना दक्ष रहा

अडलेली कामे होतील. खूप दिवसांपासून तुम्ही बाहेर जाण्याचा कार्यक्रम ठरवत आहात, तो पूर्ण होईल. कोणीतरी तुमच्यावर खोटा आरोप लावण्याची संधी शोधत आहे., सावधान राहा. अधिकारी लोकांशी चांगले संबंध राहतील, जे तुम्हाला दीर्घकालीन लाभ देतील. मन अशांत राहील. विद्यार्थ्यांसाठी प्रतिकूल वेळ. मनासारखी स्थळं न मिळाल्याने निराशा राहील. वडील आणि भावाशी वाद होतील. वाहन चालवताना अति-दक्ष राहण्याची आवश्यकता आहे. मद्यपान टाळा.

शुभ तारखा : 9, 10, 11

धनू - आरोग्याची काळजी घ्या

शत्रू तुमचे अहित करण्याची संधी शोधत आहे, सावधान राहा. तुमच्या जुन्या अनुभवांपासून शिकून जीवनात मार्गक्रमण करा. स्वत:वर विश्वास ठेवा हीच यशाची शिडी आहे. घरात मांगलिक कार्ये होऊ शकतात. आई-वडील आणि वृद्धांचा आशीर्वाद घेऊन नवे काम सुरू करा. चालढकलीचे वागणे तुमचे यश रोखू शकते. अधिकारीही तुमच्या या वागण्याने नाराज होऊ शकतात, वाहन वगैरे चालवताना सावधानी बाळगा. वृद्धाचा अपमान करु नका.

शुभ तारखा : 13, 14

मकर - प्रवास टाळणे हितकारक

राग नियंत्रित करु शकलात, तर सर्व काही तुमच्या नियंत्रणात आहे. शत्रू तुमच्या याच रागाचा फायदा घेऊ शकतील. लक्ष्य निर्धारीत करून मेहनतीने ते प्राप्त करण्यासाठी झटा, यश नक्की मिळेल. ही वेळ एखाद्या धड्यासारखी आहे. कठीण वेळ आहे मानसिक तणाव तर असेल, पण ईश्वर- नामस्मरणाने शांती मिळेल. परिस्थिती सुधारण्याचे संकेत आहेत. धीर ठेवा तोच आपल्याला स्थिर ठेवेल.

शुभ तारखा : 14, 15

कुंभ- पैसे येण्याचे नवे मार्ग खुले होतील

प्रवासाच्या नियमांचे पालन करा वेगाने वाहन चालवणे साहसाचे द्योतक नाही, ही गोष्ट लक्षात असू द्या. गुंतवणुकीसाठी उत्तम वेळ आहे. सोन्याच्या खरेदीने भविष्यात फायदा होईल. आपल्या योजना प्रत्यक्षात उतरवण्यासाठी मार्मिक वेळ आहे. उधार देऊ नका आणि घेऊही नका. मानसिकरीत्या सुदृढता जाणवेल. पैसे येण्याचे नवे मार्ग खुलतील. आरोग्याच्या भल्यासाठी बाहेर खाणे टाळा. सुर्योपासेनचा लाभ होईल.

शुभ तारखा : 12, 15

मीन - नवचैतन्याने मार्गक्रमण कराल

तुमच्या जीवनात अचानक बदल येतील. या दरम्यान भाग्य तुमचा दरवाजा ठोठावेल पण संधीचा फायदा घेणे तुमच्या हातात आहे. जोडीदाराचे वागणे तुमच्यासाठी सुखद असेल. कार्य प्रगतीवर राहतील. आठवड्याच्या दुसर्‍या टप्प्यात काही त्रास होऊ शकतो. जोडीदारासोबत तणाव होऊ शकतो. पण संयमाने वागल्यास तुम्ही प्रकरण सांभाळू शकता. मुलांच्या बाजूने काही समस्यांचा सामना करावा लागेल.

शुभ तारखा : 13, 14, 15

Related Stories

No stories found.
Latest Marathi News, Marathi News Paper, Breaking News In Marathi, Marathi Batmya Live
www.deshdoot.com