साप्ताहिक राशीभविष्य

13 ते 19 जानेवारी 2022
साप्ताहिक राशीभविष्य
Bhavishyvedhweekly horoscope

मेष - अधिक लाभामुळे धावपळ

हा आठवडा स्थिर आणि शांत आहे. विद्यार्थ्यांनी अभ्यासात प्रयत्नपूर्वक एकाग्रता साधावी. वडिलोपार्जित वाटाघाटींना हा आठवडा चालना देईल. व्यावसायिक स्तरावर हा आठवडा आनंदी धावपळीचा आहे. अधिक लाभामुळे धावपळ वाढेल. लांबच्या प्रवासासाठी हा आठवडा फारसा उपयुक्त नाही. नवीन व्यवसाय सुरु करण्यासाठी अनुकूल काळ आहे. आर्थिक गुंतवणूक करताना व्यावहारिक गणित मांडा. अधिकारात वाढ होऊ शकेल. प्रशिक्षणासाठी लाभदायक काळ आहे.

शुभ तारखा : 14, 16

वृषभ- कमाईमध्ये वाढ होण्याचे योग

मानसिक अस्वस्थता वाढवणारा काळ. जोडीदार, जिवलग व्यक्तींच्या बाबतीत ही अस्वस्थता वाढेल. शांत राहून चर्चा करणे चांगले. पुढील आठवड्यात परिस्थिती अनुकूल होईल. तोपर्यंत मनःस्ताप होणार्‍या,अस्वस्थता वाढवणार्‍या विषयांकडे कानाडोळा करा. मन:स्वास्थ्य जपा. वाद टोकाला पोहोचणार नाहीत याची काळजी घ्या. सौंदर्य आणि सजावट क्षेत्रातील व्यक्तींसाठी हा आठवडा प्रगतीकारक. कमाईमध्ये ही वाढ होण्याचे योग. नोकरी करणार्‍या व्यक्तींसाठी हा आठवडा शुभ. सामाजिक स्तरावर केलेल्या कामाची पावती मिळाल्याचं आनंद प्राप्त होईल. दैवी शक्तीवरील भाव दृढ करण्याची आवश्यकता आहे. खर्च करावा लागेल. उसनवारी टाळा.

शुभ तारखा : 16, 17, 19

मिथुन - आर्थिक लाभ

हा आठवडा अत्यंत आनंदी, वेगवान आणि अनुकूल घडामोडींचा आहे. आर्थिक लाभ होईल. नवीन प्रॉपर्टी घेण्याचे विचार मनात सुरू होतील आणि खरेदी प्रत्यक्षात केली जाईल. वयोवृद्ध व्यक्तींसाठी विशेष खरेदी होईल. त्यांचे आशीर्वाद मिळतील. राजदरबारात मानमान्यता मिळेल. जवळचे प्रवास कराल. तीर्थयात्रा किंवा मंगल कार्यात सहभागी व्हाल. वरिष्ठांकडून तुम्हाला चांगले मार्गदर्शन मिळेल तुमचे कौतुक होईल. कोणतेही नवीन पाऊल उचलताना काळजीपूर्वक उचला. व्यवसायासाठी नवीन संधी चालून येतील.

शुभ तारखा : 15, 17, 18ं

कर्क- शुभदायी आठवडा

हा आठवडा तुमच्या जीवनातील विशेष आठवडा असेल. कौटुंबिक स्तरावर हा आठवडा शुभदायी. सखोल विचारात गुंतून जाल. प्रयत्नपूर्वक हे विचार सकारात्मक ठेवायचा प्रयत्न करा. मयापूर्वी जीवनात घडलेल्या घटना आणि यानंतरच्या जीवनातील निर्णय याविषयी मन फार गांभीर्याने विचार करू लागेल. दुःखद घटनांचा फार विचार करू नका. सकारात्मक दृष्टीेकोन ठेवून वाटचाल करा. जीवनात निराशा येणार नाही. जुन्या मित्र मैत्रीणींच्या भेटीचे योग.

शुभ तारखा : 16, 17, 18

सिंह- अनुकूल आठवडा

सरकारी नोकरीत वरिष्ठांकडून कौतुक. वाहन खरेदी टाळा. जोडीदाराकडून मदत किंवा सहकार्य मिळेल. या आठवड्यात संततीसमस्येवर मात करणारे योग आहेत. संततीविषयक शुभ घटना. सर्दी, खोकला, दमा, जुनाट आजार, अनुवांशिक आजार वाढण्याची शक्यता. दुर्लक्ष करू नये. योग्य उपचार घ्यावेत. लगेच आराम मिळेल एकंदर, अनुकूल आठवडा. तरीही सावधानतेेने मार्गक्रमण करावे.

शुभ तारखा : 17, 18

कन्या - कौटुंबिक वातावरण बिघडेल

कमी बोलून आणि सकारात्मक चर्चा करून समस्या सुटतील. यापूर्वीच केलेल्या आर्थिक गुंतवणुकीचा लाभ या आठवड्यात होईल. भावंडे, भागीदार, मित्रपरिवार त्रासदायी ठरू शकतात. परिस्थितीसाठी आधीपासून तयार राहा. नवीन आर्थिक गुंतवणूकदारांना हा आठवडा सोयीचा नाही. थोडे थांबणे योग्य. कौटुंबिक वातावरण अन्य व्यक्तीमुळे बिघडेल. कुटुंबातील सदस्यांनी एकत्रित चर्चा आणि एकमताने निर्णय घेणे आवश्यक. घरी छोटेसे धार्मिक कार्य कराल.

शुभ तारखा : 15, 17, 19

तुळ - व्यवसायासाठी नवीन संधी

आठवडा तुमच्या धैर्याची परीक्षा पाहणारा आहे. मानसिक ताण फार वाढू देऊ नका. सहकार्‍यांकडून,समवयस्क लोकांकडून आणि भावंडांकडून मदत मिळेल. विशिष्ट ध्येयाच्या मागे असाल तर हा आठवडा त्या कामात अडथळे आणू शकतो. शिक्षण,नोकरी,विवाह,आर्थिक गुंतवणूक आणि व्यापार वृद्धि अशा काही विषयांशी संबंधित निर्णय घेताना सावधानता बाळगा किंवा काही दिवस पुढे ढकला. संततिविषयीग्रहमान शुभ आहेत. व्यवसायासाठी नवीन संधी चालून येतील.

शुभ तारखा : 16, 18

वृश्चिक - धावपळीचा आठवडा

सरकारी नियमाविरुद्ध वागणार्‍या लोकांना हा आठवडा त्रासदायक जाईल कदाचित तुमच्या जोडीदाराला सुद्धा यातून त्रास संभवतो. तुम्हाला मन:स्ताप देणार्‍या व्यक्ती या आठवड्यात उजेडात येतील मात्र टोकाची भूमिका नको. आठवडा धावपळीचा आणि कस पाहणारा असेल. यापूर्वी तुम्ही नीतिमत्तेने वागला असाल तर फार मोठे यश मिळवाल. अन्यथा तुम्ही तुमच्या तत्त्वांमध्ये आणि वर्तनामध्ये बदल करण्याची आवश्यकता आहे.

शुभ तारखा : 18, 19

धनू - अनुकूल काळास आरंभ

उत्तम ग्रहमान. आनंदाच्या घटना घडतील. आठवडा समाधानाने पार पडेल. मोठे निर्णय घेण्यासाठी योग्य काळ. नोकरी,व्यापार,शिक्षण,आरोग्य,विवाह, संतती-इच्छा सर्वच बाबतीत अनुकूल काळ. ज्यांनी तुम्हाला तुमच्या जीवनात यापूर्वी मदत केलेली आहे त्यांचे ऋण फेडा. म्हणजे त्यातून अधिक चांगले घडेल.

शुभ तारखा : 14, 15, 17

मकर - आजोळाकडून लाभ

दूर असणारे प्रियजन भेटतील. आवडीने,हौसेने प्रवास घडेल. शिक्षण आणि नोकरीविषयक चांगल्या घटना घडतील. आजोळाकडून लाभ मिळतील. कौटुंबिक स्तरावर हा आठवडा खूप छान! संक्रांतीच्या पर्वकालात शक्य तितका दानधर्म जरूर करा. संपूर्ण आठवडा उत्तम ग्रहमान आहे. प्रकृती स्वास्थ्य चांगले राहील.

शुभ तारखा : 15, 17

कुंभ - ज्येष्ठांचे आशिर्वाद मिळतील

आठवडा चैतन्य आणि उत्साह देईल. आरोग्यासंबंधी असणार्‍या समस्या काही अंशी दूर होतील. आयुष्याकडे बघण्याची सकारात्मकता वाढेल. कोणाला त्रास दिलेला असेल तर धैर्याने माफी मागा. यामुळे भविष्यात येणार्‍या अनेक समस्यांमधून मुक्तता होऊ शकेल. कौटुंबिक स्तरावर हा आठवडा सर्वसाधारण चांगला राहील. ज्येष्ठांचे आशिर्वाद मिळतील.

शुभ तारखा : 15, 18, 19

मीन - आर्थिक स्थिती उत्तम

कला-कौशल्यातून उद्योग करणार्‍या व्यक्तींना मोठे यश या आठवड्यात मिळेल. कामातील सातत्यावर भर द्या. भागीदारीत आणि मदत करताना सावध राहा. तुम्ही ज्या क्षेत्रात काम करत आहात त्या क्षेत्रातील वरिष्ठांकडून तुम्हाला चांगले मार्गदर्शन मिळेल तुमचे कौतुक होईल. मात्र टोकाच्या अपेक्षा टाळा.

शुभ तारखा : 16, 18, 19

Related Stories

No stories found.
Latest Marathi News, Marathi News Paper, Breaking News In Marathi, Marathi Batmya Live
www.deshdoot.com