साप्ताहिक राशीभविष्य - Weekly Horoscope

15 ते 21 एप्रिल 2021
साप्ताहिक राशीभविष्य
साप्ताहिक राशीभविष्यweekly Horoscope

मेष - कामकाजात उत्तम प्रगती

व्यापारी लोकांसाठी महत्वपूर्ण उलाढालीचा हा आठवडा आहे. पूर्वी केलेल्या गुंतवणुकीचा अपेक्षित लाभांश मिळू शकेल. तात्विक स्वरूपात केलेल्या कोणत्याही चर्चाना सकारात्मक प्रतिसाद मिळेल. पारिवारिक स्थिती उत्तम राहील. कामकाजात उत्तम प्रगती दिसून येईल . विविध वैविध्यपूर्ण गोष्टींमध्ये समरस होण्याची सवय फायदेमंद ठरेल. प्रतिकूल परिस्थितीत यशस्वी होण्यासाठी, सतत यश मिळविण्यास सक्षम असल्याचे दिसून येईल. शुभ तारखा : 16,18

वृषभ - प्रतिष्ठा मानसन्मान मिळू शकतील

पूर्वी केलेले व्यवहार मार्गी लागण्यासाठी अनुकूल वातावरण तयार होत आहे. परिवारासाठी वेळ द्यावा लागेल. डोळ्याचे विकार त्रासदायक ठरू शकतात. नोकरी व्यवसायात अनपेक्षित लाभ होतील. समव्यावसायिकांची साथ मिळेल. सामूहिक कार्यात जबाबदारी घ्यावी लागेल. सामाजिक प्रतिष्ठा मानसन्मान मिळू शकतील. सरकार दरबारी अडकून पडलेल्या कामांना गती मिळेल. दूरचे प्रवासाबाबत नियोजन होण्याची शक्यता आहे. शुभ तारखा ः 17, 19

मिथुन - भागीदारीतील व्यवसाय फायद्यात

उच्च वैचारिक पातळीमुळे कोणत्याही निर्णयातील फायद्या तोट्याचे परिणाम किंवा त्याचे अंदाज मांडण्यात मोलाची कामगिरी बजावलं. मित्रपरिवाराची अपेक्षित साथ मिळेल. विवाह इच्छूकांसाठी आनंदाची बातमी देणारा हा आठवडा आहे. भागीदारीतील व्यवसाय फायद्यात रहातील. शैक्षणिक क्षेत्रात उत्तम कामगिरी बजावाल. वाडवडिलांनी करून ठेवलेली तरतूद या काळात प्रत्यक्ष उपयोगास पडेल. नोकरीत पदोन्नती होईल. विवाहाची बोलणी अंतिम टप्यात येईल. ापल्या वडिलांचा सल्ला आणि अनुभव आपली आर्थिक स्थिती सुधारण्यात भविष्यासाठी उपयुक्त ठरेल. अचानक धनलाभ होईल. प्रलंबित प्रश्न सुटतील. धार्मिक स्थळाला भेट द्याल. प्रवास दरम्यान शारीरीक काळजी घ्यावी. शुभ तारखा : 19, 20

कर्क- मित्र आणि कुटुंबाचा पाठिंबा मिळेल

आरोग्याच्या बाबतीत हा आठवडा चांगला आहे. योग आणि व्यायामाला कमी पडू देऊ नका आणि शक्य तितक्या हिरव्या पालेभाज्यांचे सेवन करा. अनेक गोष्टी आपल्या समोर उभे राहतील तेव्हा जेव्हा आपले कुटुंब आणि आपले मित्र आधारस्तंभांसारखे उभे असतील. मित्र आणि कुटुंबाचा पाठिंबा देईल. कौटुंबिक वातावरणात आनंदाची लाट दिसेल. शुभ तारखा ः 20, 21

सिंह - आरोग्याच्या किरकोळ तक्रारी

महत्वाच्या कामाबाबत गुप्तता बाळगणे हिताचे राहील. अकारण दुसर्‍याच्या वादात उडी घेऊ नका. न्यायालयीन कामकाजात अडथळा निर्माण होईल असे वागणे संकटाला आमंत्रण ठरू शकेल. जवळच्या नातेवाईकांची साथ मिळेल. भागीदारीत नवीन व्यवसाय करण्याची संधी चालून येईल. मानसिक संतुलन ढासळल्याने आपत्तीजन्य स्थितीचा सामना करावा लागण्याची शक्यता आहे. खोल पाण्यात जाणे टाळावे. आरोग्याच्या किरकोळ तक्रारी येण्याची शक्यता आहे. शुभ तारखा : 17 ते 20

कन्या - शस्त्रक्रिया होण्याची शक्यता

जमिनीचे व्यवहार करण्यासाठी अत्यन्त शुभ आठवडा आहे. घरातील सुभोभिकरणाच्या अथवा गृहउपयोगी वस्तू खरेदी करु शकाल. प्राकृतिक कारणाने विचलितपणा निर्माण होण्याची शक्यता आहे. छोट्यामोठ्या शस्त्रक्रिया देखील होण्याची शक्यता नाकारता येत नाही. कर्तव्यात कसूर रहाणार नाही याची दक्षता घ्या. लाभाचे पद मिळण्यासाठी आवश्यक वातावरण निर्माण होईल. वडिलोपार्जित संस्कारांचा प्रत्यक्ष जीवनात उपयोग होईल. शुभ तारखा : 19, 21

तूळ - विद्यार्थ्यांना अभ्यासासाठी उत्तेजन

मनाला आनंद देणारा सुखद अनुभव येईल. प्रसन्न वातावरणात आठवड्याची सुरुवात झाल्याने कामाचा उत्साह अधिक वाढेल. वातावरण बदलल्याने होणारे साथीचे रोग तापदायक ठरू शकतात. विद्यार्थ्यांना अभ्यासासाठी उत्तेजन मिळेल. संतती विषयक प्रश्न मार्गी लागतील. आर्थिक स्थिती सुधारण्यात भविष्यासाठी उपयुक्त ठरेल. कौटुंबिक जीवनासाठी सप्ताह चांगला असेल. शुभ तारखा : 15, 18

वृश्चिक - अधिक जबाबदारी स्वीकारावी लागेल

ठरविलेल्या दिशेने वाटचाल सुरु होण्यास मदतगार ग्रहस्थिती आहे. स्वतःच्या कर्तबगारीने कार्यपूर्तीस नेण्याची संधी उपलब्ध होईल. मन विचलित झाल्याने इष्ट ध्येय पूर्तीत विलंब लागू शकतो. प्राकृतिक स्थिती कमजोर रहाण्याची शक्यता आहे. नोकरीमध्ये अधिक जबाबदारी स्वीकारावी लागेल. कामकाजात काही प्रमाणात स्थित्यंतर दिसून येण्याची शक्यता आहे. घर खरेदीचे व्यवहार मार्गस्थ होऊ शकतील. शुभ तारखा : 15, 19, 20

धनू - नेत्रदीपक यशाकडे वाटचाल

चांगल्या मित्रांच्या सहाय्याने प्रगतीच्या दिशेने वाटचाल कराल. मानसिक स्थिती उत्तम राहील. प्रसन्न मनाने घेतलेले हाती घेतलेलं काम यश प्राप्त करण्यास मदतगार ठरेल. विद्यार्थी दशेत नेत्रदीपक यशाकडे वाटचाल होईल अशा प्रकारच्या मानसिकतेने अभ्यास कराल. इष्ट ध्येय साध्य करण्यासाठी पूरक ग्रहस्थिती आहे. उत्तम आर्थिक फायदा मिळेल. आर्थिक स्थिती ही आधीपेक्षा अधिक मजबूत होतांना दिसेल. शुभ तारखा : 20, 21

मकर - प्रवास टाळणेे हितकारक

आठवड्याची सुरुवात धावपळीच्या जीवनाने होत आहे. ठरवलेला मुकाम हस्तगत करण्यासाठी आटोकाट प्रयत्न करावे लागतील. विरोधकांची मनधरणी करावी लागेल. अतिविश्वासाने कोणतेही निर्णय घेऊ नका. आठवड्याचा मध्यंतर काही प्रमाणात दिलासा देणारा असेल. न्यायालयीन विभागाशी संबंधित व्यवहार हाताळताना काळजी घ्या. डोकेदुखी सारखे विकार त्रस्त करतील. प्रवास टाळले हितकारक ठरतील. शुभ तारखा : 18, 29

कुंभ - अपेक्षित दिशेने वाटचाल

खर्चावर काबू ठेवण्याची आवश्यकता मंद गतीने का होईना अपेक्षित दिशेने वाटचाल सुरु राहील. विद्यार्जनासाठी अत्यन्त दिशादर्शक काळ आहे. नोकरीमध्ये प्रशिक्षणासाठी जाण्याचे योग संभवतात. दुसर्‍याच्या व्यवहारात न पडणे हितकारक ठरेल. हितशत्रूंचा सुळसुळाट वाढण्याची शक्यता आहे. कामकाजातील गुपित उघड होणार नाहीत याची काळजी घ्या.शुभ तारखा : 17, 19

मीन - नवचैतन्याने मार्गक्रमण कराल

जवळच्या स्नेहीजनात घडणार्‍या घटना उल्हास वर्धक असतील. नवचैतन्याने पुढील मार्गक्रमण कराल. घर खरेदीसारख्या व्यवहारात प्रगती दिसून येईल. आर्थिक व्यवहार करताना त्यात्या क्षेत्रातील तज्ज्ञ लोकांचा सल्ला घेणे उपयुक्त ठरेल. शुभ तारखा : 18, 20

logo
Latest Marathi News, Marathi News Paper, Breaking News In Marathi, Marathi Batmya Live
www.deshdoot.com