Type to search

Featured नाशिक

शिष्यवृत्तीसाठी अर्ज करण्याचे आवाहन

Share

नाशिक । प्रतिनिधी

सावित्रीबाई फुले पुणे विद्यापीठाच्या विविध शिष्यवृत्तीसाठी अर्ज करण्याचे आवाहन विद्यापीठाने केले आहे. विद्यापीठाच्या चारही शिष्यवृत्तींसाठी इच्छुक विद्यार्थ्यांनी 25 जानेवारीपर्यंत अर्ज करावेत, अशी माहिती विद्यापीठाच्या शैक्षणिक प्रवेश विभागाकडून देण्यात आली.

सावित्रीबाई फुले पुणे विद्यापीठामार्फत संलग्न महाविद्यालये आणि विद्यापीठ विभागातील अव्यावसायिक अभ्यासक्रमांतील विद्यार्थ्यांसाठी शिष्यवृत्ती योजना आहेत. त्यात क्रांतिज्योती सावित्रीमाता फुले अर्थसाह्य योजना, आर्थिक दुर्बल घटक विद्यार्थी अर्थसाह्य योजना, राजर्षी शाहू महाराज शिष्यवृत्ती योजना, सावित्रीबाई फुले पुणे विद्यापीठ गुणवंत विद्यार्थी शिष्यवृत्ती या योजनांचा समावेश आहे. यंदाच्या शैक्षणिक वर्षात प्रवेश घेतलेल्या विद्यार्थ्यांकडून संबंधित महाविद्यालय अथवा विद्यापीठ विभाग यांच्यामार्फत ऑनलाइन पद्धतीने अर्ज मागविण्यात येत आहेत. विद्यार्थी दोन शिष्यवृत्तीसाठी अर्ज करण्यास पात्र असल्याने एकापेक्षा जास्त शिष्यवृत्तीसाठी अर्ज करायचा असल्यास एकाच वेळी अर्जातील योग्य ते दोन पर्याय निवडता येतील.

विद्यार्थ्यांनी ऑनलाइन पद्धतीने सादर केलेली अर्जातील माहिती संबंधित महाविद्यालय अथवा विद्यापीठ विभागाने काटेकोरपणे छाननी करून, येत्या जानेवारीपर्यंत विद्यापीठाकडे सादर करावी. मुदतीत आलेल्या अर्जाचा विचार केला जाईल. या शिष्यवृत्तींसाठी ऑफलाइन पद्धतीने अर्ज स्वीकारला जाणार नसल्याचे विद्यापीठाच्या शैक्षणिक प्रवेश विभागाने स्पष्ट केले आहे. या शिष्यवृत्तींच्या सविस्तर माहितीसाठी विद्यापीठाच्या ुुुर्.ीपर्ळिीपश.रल.ळप या वेबसाइटला भेट देण्याचे आवाहन शैक्षणिक विभागाने केले आहे.

Tags:

Leave a Comment

error: Content is protected !!