Nilesh Jadhav
अभिनेत्री अंकिता लोखंडे (Ankita Lokhande) आणि विकी जैन (Vicky Jain) नुकतेच लग्नबंधनात अडकले आहेत.
अंकिता आणि विकी यांनी १४ डिसेंबरला मुंबईत कुटुंब आणि मित्रपरिवारा समक्ष रेशीमगाठ बांधली.
अंकिताने लग्नातील प्रत्येक विधी आणि खास क्षणाचे फोटो चाहत्यांसोबत शेअर केले आहेत. यामध्ये ती मराठमोळ्या रूपात खूपच सुंदर दिसत आहे.
अंकिता लोखंडेने आपल्या इन्स्टाग्राम अकाऊंटवर काही वेळेपूर्वी आपले फोटो शेअर केले आहेत. ज्यामध्ये ती एकदम पारंपरिक रूपात दिसून येत आहे.
या फोटोंमध्ये अंकिताने पिवळ्या रंगाची नऊवारी साडी नेसली आहे. हातात हिरवा चूडा भरला आहे. तसेच नाकात नथ आणि केसात गजरा माळून आपला लूक कम्प्लिट केला आहे.
अंकिताने हे फोटो शेअर करत कॅप्शनमध्ये लिहिलं आहे, 'प्रेम म्हणजे समजली तर भावना आहे,केली तर मस्करी आहे,मांडला तर खेळ आहे, ठेवला तर विश्वास आहे,घेतला तर श्वास आहे,रचला तर संसार आहे,निभावले तर जीवन आहे.
सोबतच अभिनेत्रीने #marathiMulagi हा टॅगसुद्धा दिला आहे.
या फोटोमध्ये अंकिता आणि त्याचं संपूर्ण कुटुंब मराठमोळ्या चालीरिती पार पाडताना दिसून येत आहे.
अंकिता लोखंडे आणि विकी जैन एकमेकांना चार वर्षांपासून डेट करत होते. त्यांनतर त्यांनी लग्नाचा निर्णय घेतला होता.