अहमदनगर |प्रतिनिधी| Ahmednagar
पुणे जिल्हा परिषदेच्या धर्तीवर नगर जिल्हा परिषदेने 14 व्या वित्त आयोगाच्या व्याजाच्या 11 कोटी 85 लाखांच्या निधीतून 45 अद्यावत रुग्णवाहिका घेण्याचा निर्णय घेतला होता. या रुग्णवाहिकांचे सोमवारी हस्तांतरण करण्यात आले. यामुळे करोना काळात या रुग्णवाहिकांचा मोठा फायदा ग्रामीण भागातील रुग्णांना होणार आहे.
कर्जत-जामखेडचे आ. रोहित पवार यांच्या संकल्पनेतून ही योजना राबविण्यात आली. पुणे जिल्हा परिषदेने या पूर्वी अशा प्रकारे वित्त आयोगाच्या निधीतून मोठ्या संख्याने रुग्णवाहिका घेतल्या होत्या. ही संकल्पना त्यांनी पालकमंत्री हसन मुश्रीफ यांच्यासमोर मांडल्यानंतर त्याला त्यांनी तात्काळ मान्यता दिली. त्यानूसार काल जिल्हा परिषद अध्यक्षा राजश्री घुले, उपाध्यक्ष प्रताप शेळके, जिल्हा परिषद सदस्य संदेश कार्ले, शरद झोडगे, जिल्हा आरोग्य अधिकारी डॉ. संदीप सांगळे यांच्या उपस्थित या रुग्णवाहिकांचे हस्तांतरण करण्यात आले.
कुकाणा, सोनई, देवळाली, उंबरे, बेलापूर, माळवाडगाव, निमगाव जाळी, घारगाव, टाकळी, पोहेगावला सुविधा
नगर तालुक्यातील जेऊर, टाकळीकाझी, टाकळी खातगाव, देवगाव आणि वाळकी. नेवासा तालुका नेवासा खु, टोका, कुकाणा, सोनई. शेवगाव तालुका चापडगाव, शेवगाव, हातगाव. पाथर्डी तालुका माणिकदौंडी, मिरी, पिंपळगाव टप्पा. जामखेड तालुका आरणगाव. कर्जत तालुका बारडगाव सुद्रिक, मिरजगाव. श्रीगोंदा तालुका पिंपळगाव पिसा, लोणी व्यंकनाथ, बेलवंडी. पारनेर तालुका पळवे, कान्हूरपठार, खडकवाडी. राहुरी तालुका गुहा, मांजरी, टाकळीमियाँ, देवळाली प्रवरा, उंबरे. श्रीरामपूर तालुका निमागावखैरी, माळवाडगाव, बेलापूर, संगमनेर तालुका निमगाव जाळी, घारगाव, धांदरफळ, जवळे कडलग, चंदनापुरी, जवळेबाभळेश्वर. अकोले तालुका विटा, कोतुळ, ब्राम्हणवाडा, खिरविरे. कोपरगाव तालुका दहिगाव बोलका, टाकळी ब्राम्हणगाव, पोहेगाव यांचा समावेश आहे.
