संवाद रथ यात्रेचे मराठा समाजातर्फे स्वागत

0
संवाद रथयात्रेचे स्वागत करतांना प्रा.डी.डी.बच्छाव, डॉ. राजेश पाटील, प्रा. संजय गरुड, योगेश पाटील, हिरेश कदम, राम पवार, प्रा. राजेंद्र देशमुख, केतन पाटील, प्रमोद पाटील, सुरेंद्र पाटील, धनंजय पाटील, भगवान शिंदे, सचिन पाटील, जयश्री बोरसे, शिवम पाटील आदी. (छायाचित्र- पांडुरंग महाले)

जळगाव ।  प्रतिनिधी :  मराठा क्रांती मोर्चा संवाद यात्रा मुक्ताईनगर व भुसावळ येथून जळगाव शहरात दाखल झाली. या यात्रेचे मराठा समाजातर्फे स्वागत करण्यात आले. एक मराठा, लाख मराठा, जय जिजाऊ जय शिवराय अशा घोषणा देऊन संवाद यात्रेचे स्वागत करण्यात आले. तसेच दि.26 रोजी विधानभवनाला घेराव घालून धडकणार्‍या या मोर्चात सहभागी होण्याचा निर्धार करण्यात आला.

शहरातील टॉवर चौक येथे रथ आल्यानंतर मराठा क्रांती मोर्चाचे समन्वयक प्रा. डी.डी. बच्छाव यांनी वेळकाढूपणा न करता न्यायालयात टिकेल असे मराठा आरक्षण द्यावे, त्याच बरोबर शासनाने इतर मागण्या मान्य कराव्यात यात जिल्ह्यात मराठा समाजातील विद्यार्थ्यांसाठी वसतीगृह, छत्रपती शाहू महाराज शिष्यवृत्ती योजना, शेतकर्‍यांच्या मुलांसाठी असलेली सारथी योजना त्याचबरोबर आंदोलनादरम्यान 15 हजार निरपराध मराठा बांधवांवर खोटे गुन्हे दाखल केलेले मागे घेण्यासाठी सरकारला भाग पाडू असे मनोगत व्यक्त केले.

याप्रसंगी डॉ. राजेश पाटील, प्रा. संजय गरुड, योगेश पाटील, हिरेश कदम, राम पवार, प्रा. राजेंद्र देशमुख, केतन पाटील, प्रमोद पाटील, सुरेंद्र पाटील, धनंजय पाटील, भगवान शिंदे, सचिन पाटील, जयश्री बोरसे, शिवम पाटील आदी उपस्थित होते.

प्रभू सियावर रामचंद्र की जय..!

0
जळगाव ।  प्रतिनिधी :  प्रभू सियावर रामचंद्र की जय, राम राम जय श्री राम, रामचंद्र हनुमान की जय अशा गगनभेदी जयघोषात सनई, चौघड्याच्या निनादात कार्तीकी एकादशीनिमीत्त श्रीराम मंदिर संस्थानचा श्रीराम रथोत्सव मोठ्या चैतन्यमय वातावरणात पार पडला. रथाचे दर्शन घेण्यासाठी पंचक्रोशीतील भाविकांची सकाळपासूनच मांदियाळी होती. त्यामुळे रथोत्सवाच्या मार्गाला यात्रेचे स्वरुप प्राप्त होवून सर्वत्र भक्तीमय वातावरण निर्माण झाले होते. रथावर दुपारच्या सुमारास वरुणराजाने बरसून रथाचे जोरदार स्वागत केले.

जळगाव नगरीचे ग्रामदैवत व वारकरी संप्रदायाची थोर परंपरा लाभलेले श्री राम मंदिर संस्थांतर्फे कार्तीकी एकादशीनिमीत्त श्रीराम रथोत्सवाचे आयोजन करण्यात आले होते. आज सकाळी पहाटे 4 वाजता काकडा आरती व प्रभू श्री रामांच्या उत्सवमूर्तीस महाअभिषेक करण्यात आला.

त्यानंतर सकाळी 10.30 वाजता श्री राम मंदिर संस्थांनचे विश्वस्त गादीपती हभप श्री. मंगेश महाराज जोशी यांच्या हस्ते शारदा वेद पाठशाळा व शहरातील समस्त ब्रह्मवृंदांच्या वेदमंत्राच्या घोषात रथाची व उत्सवमुर्तीची महापुजा करण्यात आली. यावेळी प्रमुख अतिथी म्हणून आ. राजूमामा भोळे, महापौर सिमा भोळे, जिल्हा परिषद अध्यक्षा ना. उज्वला पाटील, उपमहापौर डॉ. अश्विन सोनवणे, स्थायी समिती सभापती जितेंद्र मराठे, माजी महापौर ललित कोल्हे, जिल्हाधिकारी किशोरराजे निंबाळकर, जिल्हा पोलिस अधिक्षक दत्ता शिंदे, मनपा आयुक्त चंद्रकांत डांगे, सुभाष चौक पतसंस्थेचे अध्यक्ष श्रीकांत खटोड, माजी महापौर विष्णू भंगाळे, पिपल्स बँकेचे भालचंद्र पाटील, अ‍ॅड. सुशिल अत्रे, केशव स्मृती प्रतिष्ठानचे अध्यक्ष भरत अमळकर, नगरसेवक डॉ.विश्वनाथ खडके, सुनिल खडके, राजेश यावलकर उपस्थित होतेे.

यावेळी श्रीराम मंदिर संस्थांनतर्फे मान्यवरांसह रथाला मोगरी लावणार्‍यांचा उपरणे देवून सत्कार करण्यात आला. त्यानंतर सर्व भाविकांच्या उपस्थितीत दुपारी 1.10 मिनीटांनी रथाची महाआरती होवून प्रभू श्रीराम नामाच्या जयघोषात रथोत्सवाला सुरुवात झाली. त्यानंतर शहरात जूने जळगाव, सराफ बाजारातील महालक्ष्मी मंदिर, बालाजी मंदिरात पानसुपारीचा कार्यक्रम होवून रात्री 12 वाजता प्रभू श्री रामांच्या उत्सवमूर्तीला पाखली ठेवून वाजत गाजत त्याची महाआरती होवून श्री राम रथोत्सवाची सांगता करण्यात आली.

रथाला 146 वर्षाची परंपरा

वारंकरी संप्रदायाचे कान्देशातील थोर संत व श्रीराम मंदिर संस्थानचे मुळ सत्पुरुष श्री अप्पा महाराज यांनी सन 1872 साली हिंदू समाजातील अठरा पगड जाती, एकत्र करून हया रथोत्सवाच्या सोहळयाला प्रारंभ केला होता. 146 वर्ष पूर्ण झाली असून जळगावकरांच्या असंख्य भाविकांच्या सहकार्याने हा रथोत्सव नंदादिप अखंडपणे तेवत आहे.रथोत्सवाकरिता अवघ्या महाराष्ट्र भरातून असंख्य भाविक प्रभु श्रीरामांच्या दर्शनसाठी जळगावात येत असल्याने जळगावाला प्रतिपंढरपुरचे स्वरुप प्राप्त होत असते.

कार्तिकी प्रबोधिनी एकादशीला निघणारा जळगावच्या श्रीराम मंदिर संस्थानचा एकमेव रथोत्सव असून या रथोत्सवाला 145 वर्षांची अखंड परंपरा लाभली असल्याचे श्रीराम मंदिर संस्थानचे विश्वस्त तथा मंदिराचे पाचवे वंशज हभप. मंगेश महाराज जोशी यांनी सांगितले.

पंचक्रोशीतून भाविकांची दर्शनासाठी अलोट गर्दी

भगवे ध्वज, झेंडू, शेवंती अन गुलाबांच्या फुलांच्या माळा, आंब्यांच्या पानांचे तसेच नारळांचे तोरण, आकर्षक रोषणाई, केळीचे खांब अन ऊसाची मोळी लावून रथ सजविण्यात आला होता. तसेच सजलेल्या भव्य-दिव्य रथाचे दर्शन घेण्यासाठी पंचक्रोशीतील भाविकांनी सकाळपासूनच रात्री उशीरापर्यंत गर्दी केली होती.

पंचक्रोशीतून भाविकांची दर्शनासाठी अलोट गर्दी

भगवे ध्वज, झेंडू, शेवंती अन गुलाबांच्या फुलांच्या माळा, आंब्यांच्या पानांचे तसेच नारळांचे तोरण, आकर्षक रोषणाई, केळीचे खांब अन ऊसाची मोळी लावून रथ सजविण्यात आला होता. तसेच सजलेल्या भव्य-दिव्य रथाचे दर्शन घेण्यासाठी पंचक्रोशीतील भाविकांनी सकाळपासूनच रात्री उशीरापर्यंत गर्दी केली होती.

जिल्हाधिकार्‍यांसह पोलिस अधिक्षकांनी ओढला रथ

ग्रामदैवत श्रीराम मंदिर संस्थानतर्फे काढण्यात आलेला प्रभू श्रीरामचंद्राचा रथाची विधीवत पुजा करण्यात आली. त्यानंतर रथाच्या चाकांना कोहळ्याचे फळ अर्पण करुन जिल्हाधिकारी किशोर राजे निंबाळकर, पोलिस निरीक्षक दत्ता शिंदे यांनी रथ ओढून रथोत्सवाला सुरुवात झाली. यावेळी उपस्थितांनी प्रभूश्रीरामांचा गननभेदी जयघोष केला.

रथाला 80 किलो फुलांचा हार

कार्तीकी एकादशी निमीत्त निघणार्‍या रथाचे रथ मार्गस्थ जूने जळगावातील स्नेह मित्र मंडळ व थोरले मित्र मंडळातर्फे रथाला गेल्या 11 वर्षांखपासून पुष्पहार अर्पण केला जात आहे. यंदा देखील या रथाला सुमारे 80 किलोचा फुल व्यावसायिक समाधान बारी यांच्याकडून झेंडुची दोन रंगातील फुले, शेंवती, अष्टरच्या फुलांचा हार अर्पण करण्यात आला. तसेच ठिकठिकाणी चौकाचौकांमध्ये मंडळांकडून पुष्पवृष्टींनी रथाचे स्वागत करण्यात आले.

प्रभू सियावर रामचंद्र की जय..!

परिसराला यात्रेचे स्वरुप

कार्तीकी एकादशी निमीत्त निघणार्‍या रथाचे दर्शन घेण्यासाठी पंचक्रोशीतून भाविक दर्शन घेण्यासाठी शहरात दाखल होत असतात. रथोत्सवानिमीत्त चौकाचौकांमध्ये खेळणे विक्रीची दुकाने थाटली असल्याने परिसराला यात्रेचे स्वरुप प्राप्त झाले होते.

वरुणराजाकडून रथाचे स्वागत

रथ मार्गस्थ होत असतांना दुपारी 4.15 वाजेच्या सुमारास आकाशात सर्वत्र मेघ भरुन आले होते. त्यानंतर अवघ्या काही मिनीटातच पाऊसाला सुरुवात झाली. पावसाला सुरुवात होताच रथ ओढणार्‍यांकडून प्रभू श्री रामचंद्रांचा जयघोष केला होता. त्यामुळे वरुण राजाने देखील यंदा प्रभू श्री रामांच्या रथावर बरसून त्याचे स्वागत केल्याची भावना भाविक व्यक्त करीत होते.

हिंदू-मुस्लिम एकतेचे दर्शन

ग्रामदैवत श्रीराम मंदिर संस्थानच्या प्रभु श्रीरामचंद्राचा रथोत्सवात रथोत्सव समितीकडून रथोत्सवाचे संस्थापक श्री अप्पा महाराज यांचे परममित्र लालशाह बाबा यांच्या भिलपुरा चौकातील समाधी स्थाळावर चादर चढविण्यात आली. तर त्याठिकाणाच्या मुस्लिम समाजबांधवातर्फे रथाचे स्वागत करण्यात येत असल्याने जळगावाच्या रथोत्सवाला हिंदु-मुस्लिम समाजबांधवाचे प्रतिक म्हणून ओळखला जातो.

सोंगांची सवाद्य मिरवणुकीने वेधले लक्ष

रथोत्सवात भवानी मातेचे रुप मानल्या जाणार्‍या सोंगाकडून अध्यात्माचा प्रचार केला जात असतो. प्राचीन काळापासून वर्षानुवर्षापासून सुरु असलेल्या या लोककलेतून महिषासुरमर्दिनीच्या रुपातील सोंगाची सवाद्य मिरणवणुक काढली जाते. यात ढोल ताश्यांच्या गजरात शहरातील चौकात सोंगे नाचत होती. या सोंगांनी सर्वांचे लक्ष वेधून घेतले होते.

प्रभू श्रीराम, हनुमानाच्या भव्य मुर्तींनी वेधले लक्ष

रथाच्या अग्रभागी कवियत्री बहिणाबाई मल्टी पर्पज युवा ब्रिगेडीयर्स फाऊंडेशनतर्फे सात फुटी हनुमानाची मुर्ती, जुने जळगावातील वीर जवान गु्रपतर्फे प्रभू श्रीराम, लक्ष्मण, सीता आणि हनुमान यांची तर विश्वहिंदू परिषद बजरंग दलातर्फे आकर्षक प्रभू श्रीरामांची भव्य मुर्ती अग्रभागी ठेवण्यात आलेली असल्याने या मुर्ती सर्वांचे लक्ष वेधून घेत होते.

ढोल-ताश्याच्या तालवर धरला ठेका

रथोत्सवाला सुरुवात झाल्यानंतर रथाच्या अग्रभागी संत मुक्ताइबाईची पालखी, सनई चौघडा, नगारा, चोघडा गाडी, बँड पथक, वारकरी संप्रदायाचे भजनी मंडळ, ओम साई गु्रप भजनी मंडळांकडून भक्तीगीत व भजन सादर करीत असल्याने सर्वत्र चैतन्याचे वातावरण निर्माण झाले होते. तसेच बंजरंग दलाच्या कार्यर्त्यांनी ढोल- ताशांच्या तालावर लेझिमचा ठेका धरला होता.

लहान रथाचे विशेष आकर्षण

रथोत्सवानिमीत्त शहरातून निघणार्‍या प्रभू श्रीराम चंद्रांचा रथ काढण्यात येत असतो. दरम्यान विठ्ठलपेठ रथोत्सव मित्र मंडळातील चिमुकल्यांनी सुमारे 5 फुट उंचीचा मोठ्या रथाची हुबेहुब प्रतिकृती तयार केली असून त्याची रथाच्या अग्रभागी रथाच्या मार्गावर फिरवण्यात आला. त्यामुळे रथोत्वात रथाच्या पुढे असलेले लहान रथ याठिकाणी रथोत्सवात विशेष आकर्षण ठरले होते.

अंत्ययात्रा घेवून जातांना लोखंडी पूल कोसळला : आठ ते दहा जणांना किरकोळ दुखापत

0

जळगाव ।  प्रतिनिधी : ममुराबाद नाल्याशेजारील दफनभुमीजवळ अंत्ययात्रा घेवून जातांना जीर्ण झालेला लोखंडी पुल अचानक कोसळल्याने झालेल्या घटनेत अंत्ययात्रेतील आठ ते दहा जणांना किरकोळ दुखापत झाली. सुदैवाने या घटनेत कुठलीही जीवितहानी झाली नाही. या घटनेमुळे जवळपास तासभर विलंबाने दफनविधीचा कार्यक्रम झाला. ही घटना दुपारी 12.20 वाजेच्या सुमरास घडली.

याबाबत प्रत्यक्षदर्शींकडून मिळालेली माहिती अशी की, शनिपेठेतील लिंगायत गवळी समाजामधील नारायण हरी गवळी (घुगरे) वय 59 यांचे निधन झाले असल्याने त्यांच्यावर अंत्यसंस्कार करण्यात येणार होते. दरम्यान ममुराबाद नाल्याशेजारील मोकळ्या जागेवर दफनविधी करण्यात येणार होता. यावेळी गवळी यांची अंत्यायात्रा याठिकाणी पोहचल्यानंतर नाल्यावरील लोखंडी पुल अचानक कोसळला. अंत्ययात्रेसह सोबतचे नातेवाईक नाल्याच्या पाण्यात पडले. सुदैवाने या घटनेत कोणालाही दुखापत झालेली नाही.

तिरडीसह अंत्ययात्रा देखील कोसळली

गवळी यांची अंत्ययात्रा दफनभुमीत नेतांना अचानक पुल कोसळल्याने अंत्ययात्रेसह सोबतचे सर्व नातेवाईक व कुटुंबिय नाल्यात कोसळले. यावेळी अंत्ययात्रेतील काही नागरिकांनी मृतदेह उचलून बाजूला काढला. त्यानंतर नाल्याच्या पाण्यात पडलेले सर्व नातेवाईकांना बाहेर काढण्यात आले. या घटनेमुळे जवळपास तासभर उशिराने दफनभुमीत अंत्यविधी करण्यात आला.

या नातेवाईकांना झाली दुखापत

अंत्ययात्रासोबत नाल्यात पडल्याने चाळीसगाव येथील नारायण नंदु गवळी यांच्या उजव्या पायाला लोखंडी पत्रा लागल्याने गंभीर दुखापत झाली. तसेच महेश गवळी, उमेश गवळी, दिपक गवळी, अमित गवळी, आसाराम बारशे, संतोश गवळी, कुणाल गताडे, आवळाजी गवळी, किशारे गवळी, लवेश घुगरे, कृष्णा गवळी हे जखमी झाले होते.

महानगरपालिकेचे दुर्लक्ष

दफनभुमीठिकाणी ठराविक समाजातील नागरिकांचा अंत्यविधी करण्यात येत असतो. अनेक वर्षापासून या पुलाची दुरावस्था झाली होती. महानगरपालिका प्रशासनाने दुर्लक्ष केल्याने आज ही घटना घडली. पुल कोसळल्याने आठ ते दहा जणांना दुखापत झाली आहे. महानगरपालिकेने पुलाची वेळीच दुरुस्ती केली असती तर ही दुर्घटना घडली नसती, या घटनेला महानगर पलिका प्रशासनच जबाबदार असल्याची संतप्त प्रतिक्रिया यावेळी नागरिकांनी व्यक्त केली.

पुलासंदर्भात चौकशी करणार – आयुक्त

ममुराबाद नाल्याजवळील लोखंडी पुल कोसळल्याची दुर्दैवी घटना आज घडली. पुल बांधण्यासाठी कोणी परवानगी दिली, तांत्रिक मान्यता कोणी दिली या संदर्भातील सखोल चौकशी करणार असल्याचे आयुक्त चंद्रकांत डांगे यांनी सांगितले.

नाल्याचा प्रवाह बदलविल्यामुळे पुल कमकुवत

ममुराबाद रस्त्यावरील लेंडी नाल्याचा नैसर्गिक प्रवाह बदलवुन आणि स्लॅब टाकुन नाला रुंद करण्यात आला आहे. यासंदर्भात प्रशासनाकडे दोन वर्षांपासुन तक्रारदेखील प्राप्त झाली आहे. प्रवाह बदलविल्यामुळे लोखंडी पुल कमकुवत झाला असावा अशी शक्यता देखील वर्तविली जात आहे.

दिल्लीत सुरु आहे ‘चौकीदार ही चोर’ हा क्राइम थ्रिलर : राहुल गांधी

0
New Delhi: Congress Vice President Rahul Gandhi addresses the large gathering during the farmers rally at Ramlila Maidan in New Delhi on Sunday. PTI Photo by Shahbaz Khan(PTI4_19_2015_000048B)

दिल्ली: ‘चौकीदार ही चोर है’ नावाचा क्राइम थ्रिलर सध्या देशात सुरू आहे. अधिकारी थकले आहेत. परस्परांवरचा विश्वास उडाला आहे. लोकशाही रडते आहे,’ अशी घणाघाती टीका काँग्रेस अध्यक्ष राहुल गांधी यांनी पंतप्रधान नरेंद्र मोदी यांच्यावर केली आहे. सीबीआयमधील वादाच्या प्रकरणात मोदी सरकारमधील मंत्र्यांवर काल भ्रष्टाचाराचे आरोप झाल्यानंतर राहुल गांधी यांनी हे ट्विट केलं आहे.

राकेश अस्थाना यांच्यावरील लाचखोरीच्या आरोपांची चौकशी करणारे उपमहासंचालक मनीषकुमार सिन्हा यांनी सोमवारी सुप्रीम कोर्टात हस्तक्षेप याचिका दाखल केली. याचिकेत त्यांनी अस्थाना यांची चौकशी करण्यात राष्ट्रीय सुरक्षा सल्लागार अजित डोवल यांनी आडकाठी आणल्याचा गंभीर आरोप केला आहे. या पार्श्वभूमीवर राहुल गांधी यांनी मंगळवारी सकाळी ट्विट केले.

राहुल गांधी ट्विटमध्ये म्हणतात, दिल्लीत सध्या चौकीदार ही चोर हा क्राइम थ्रिलर सुरु आहे. नवीन भागात सीबीआयच्या वरिष्ठ अधिकाऱ्याने एक मंत्री, राष्ट्रीय सुरक्षा सल्लागार आणि केंद्रीय सचिवांवर गंभीर केले आहेत. दुसरीकडे त्याने गुजरातवरुन आणलेला साथीदार कोट्यवधी रुपयांची वसूली करत आहे. अधिकारी थकले आहेत, विश्वासाला तडा गेला आहे आणि लोकशाही रडत आहे, असे त्यांनी म्हटले आहे.

 

अडचणींवर मात करून खेळात उल्लेखनिय कामगिरी करा – सुप्रिया गाढवे

0

 जळगाव ।  प्रतिनिधी :  क्रीडा क्षेत्रात असंख्य अडचणींना महिलांना सामोरे जावे लागते.मात्र या अडचणींना तोंड देत सातत्याने सराव करुन आपला ठसा खेळामध्ये उमटवित उल्लेखनिय कामगिरी करावी असे आवाहन शिवछत्रपती पुरस्कार प्राप्त खो-खो खेळाडू सुप्रिया गाढवे यांनी कवयित्री बहिणाबाई चौधरी उत्तर महाराष्ट्र विद्यापीठात आयोजित पश्चिम विभागीय आंतरविद्यापीठ खो-खो (महिला) स्पर्धेच्या उद्घाटनप्रसंगी केले.

स्पर्धेच्या आजच्या पहिल्या दिवशी एस.एन.डी.टी.महिला विद्यापीठ, मुंबई, सौराष्ट्र विद्यापीठ, राजकोट आणि देवी अहिल्याबाई विद्यापीठ, इंदोर यांनी प्रतिस्पर्धी संघावर मात करीत आपला पहिला विजय नोंदविला. सायंकाळी उशिरापर्यंत स्पर्धा सुरु होत्या. गोंडवना विद्यापीठ व राष्टसंत तुकडोजी महाराज नागपुर विद्यापीठाने बाद फेरीत प्रतिस्पर्धी संघावर विजय मिळवला.

विद्यापीठात पश्चिम विभागीय आंतरविद्यापीठ खो-खो महिला स्पर्धांना मोठया उत्साहात प्रारंभ झाला. या स्पर्धेत महाराष्ट्र, गुजरात, गोवा, राजस्थान, मध्यप्रदेश या पाच राज्यांमधील 62 विद्यापीठांचे संघ सहभागी झाले आहेत. या स्पर्धेचे उद्घाटन सुप्रिया गाढवे यांच्या हस्ते झाले.

अध्यक्षस्थानी प्र-कुलगुरु प्रा.पी.पी.माहुलीकर होते. यावेळी मंचावर व्यवस्थापन परिषद सदस्य व स्पर्धेचे कार्याध्यक्ष दिलीप पाटील, प्राचार्य एल.पी.देशमुख, प्रा.नितीन बारी, दिपक पाटील, डॉ.जितेंद्र नाईक, कुलसचिव भ.भा.पाटील, सिनेट सदस्य नितीन ठाकूर, विद्यार्थी विकास विभागाचे प्रभारी संचालक प्रा.ए.बी.चौधरी, प्रा.प्रतिभा ढाके, डॉ.के.एफ.पवार यांची उपस्थिती होती.

सुप्रिया गाढवे यांनी खेळाडूंना शुभेच्छा देताना आपण सकाळ व संध्याकाळी नित्यनियमाने सराव केला त्यातून यश प्राप्त झाले असे सांगितले. दिलीप पाटील यांनी कवयित्री बहिणाबाई चौधरी उत्तर महाराष्ट्र विद्यापीठ हे खेळाडूंच्या पाठीशी सातत्याने उभे असते असे सांगून स्पर्धांच्या काळात विद्यापीठाच्या परीक्षा आल्या तर खेळाडूंना परीक्षेची पर्यायी व्यवस्था उपलब्ध करुन देण्याचा तसेच खेळाडूंचा विमा उतरविण्याचा विद्यापीठाचा विचार असल्याचे यावेळी सांगितले.

अध्यक्षीय भाषणात प्रा.पी.पी.माहुलीकर यांनी ऑलम्पिकमध्ये खो-खो या खेळाचा समावेश व्हावा अशी अपेक्षा व्यक्त करुन या खेळात चपळता आणि बौध्दिक क्षमता महत्वाची असल्याचे नमूद केले.यावेळी स्पर्धेत सहभागी झालेल्या संघांचे मैदानावर पथसंचलन करण्यात आले. सायली चित्ते या विद्यार्थिनीने खेळाडूंना शपथ दिली. प्रास्ताविक क्रीडा संचालक डॉ.दिनेश पाटील यांनी केले. कार्यक्रमाचे सुत्रसंचालन प्रा.जी.ए.उस्मानी यांनी केले. सहायक क्रीडा संचालक आर.ए.पाटील यांनी आभार मानले.

उद्घाटनानंतर पहिल्या सत्रात एस.एन.डी.टी.महिला विद्यापीठ, मुंबई विरुध्द इंडियन इन्स्टिटयूट ऑफ टिचर्स एज्युकेशन गांधीनगर, गुजरात यांच्यात पहिला सामना झाला. यामध्ये मुंबईच्या महिला खेळाडूंनी गांधीनगरचा 24-11 असा पराभव केला. 13 गुणांनी विजय प्राप्त केलेल्या एस.एन.डी.टी.विद्यापीठाच्या श्वेता पाटील या खेळाडूने दोन मिनिटे संरक्षण केले तसेच 8 गडी देखील बाद केले.

दुसरा सामना गुजरात विद्यापीठ, अहमदाबाद विरुध्द सौराष्ट्र विद्यापीठ, राजकोट यांच्यात झाला. यामध्ये सौराष्ट्र विद्यापीठाने एक डाव आणि 13 गुणांनी गुजरातवर विजय प्राप्त केला. 18-5 अशा फरकाने विजय प्राप्त करताना सौराष्ट्रच्या काजलबेन चावडा हिने पहिल्या डावात 1 मिनिटे 20 सेकंद आणि दुसज्या डावात 2 मिनिटे 30 सेकंदाचे संरक्षण केले तसेच सहा गडी बाद केले.

तिसरा सामना देवी अहिल्याबाई विद्यापीठ, इंदोर विरुध्द श्री.गोविंद गुरु विद्यापीठ, गोध्रा यांच्यात झाला. यामध्ये इंदोरने 16-13 असा तीन गुणांनी विजय प्राप्त केला. मुस्कान जहारिया हिने 1 मिनिटे 20 सेकंदाचा संरक्षणात्मक खेळ केला तसेच पाच गडी बाद केले.

रात्री प्रकाशझोतात सामने सुरू होते. ब गटात बरकतउल्ला विद्यापीठ भोपाळने बनस्थळी विद्यापीठ बनस्थळीचा एक डाव दोन गुणांनी ( 10- 8 )पराभव केला.रितिका सिलोरियाने 6 मिनिटे संरक्षण आणि दोन गडी बाद करीत उत्तम खेळ केला.याच गटात गोंडवना विद्यापीठ गडचिरोलीने स्वामी रामानंद तीर्थ विद्यापीठ नांदेडला 14-12 असे अवघ्या दोन गुणांनी पराभूत केले.रोहिनी जावरेने चांगला खेळ केला.

राष्ट्रसंत तुकडोजी महाराज नागपूर विद्यापीठाने एल.एन.आय.पी.ई.ग्वाल्हेरला एक डाव चार गुणांनी (9-5) अशी धूळ चारली.नागपूरच्या रूचिता नासरेने पहिल्या डावात पाच मिनिटे दहा सेकंद व दुसर्‍या डावात एक मिनिटे वीस सेकंद खेळ केला व चार गडी बाद केले. वीर नर्मद दक्षिण गुजराथ विद्यापीठ सुरतला मात्र भक्तकवी नरसिंह मेहता विद्यापीठ जुनागढने एक डाव बारा गुणांनी पराभूत केले.

जुनागढच्या शिवांगी चौधरीने साडेसहा मिनिटांचा खेळ तर केला परंतु 9 गडीदेखील बाद केले. क गटात राज रूषी भरीतहरी विद्यापीठ,अलवरने सुखाडिया विद्यापीठ उदयपूरला एक डाव चार गुणांनी (12-8 )पराभूत केले अलवरची ममता चौधरी पहिल्या डावात पाच मिनिटे वीस सेकंद दुसर्‍या डावात एक मिनिटे चाळीस सेकंद खेळली व 3 गडी बाद केले. अन्य एका सामन्यात डा.हरीसिंग गौर विद्यापीठ सागरला जय नारायण व्यास विद्यापीठ जोधपूर कडून एक डाव तेरा गुणांनी पराभव पत्करावा लागला.

SBI बँकेची ग्राहकांसाठी धमाकेदार ऑफर, 5 लिटर पेट्रोल फ्री…

0

नवी दिल्ली – एसबीआय बँकेने ग्राहकांसाठी फुल्ल टू धमाल ऑफर सुरू केली आहे. त्यानुसार ग्राहकांना 5 लिटर मोफत पेट्रोल मिळणार आहे. इंडियन ऑईल कॉर्पोरेशनच्या कुठल्याही रिटेल पेट्रोल पंपावर भीम अॅपद्वारे एसबीआय बँकेतून आर्थिक व्यवहार केल्यास ग्राहकाला 5 लिटर पेट्रोल मोफत मिळवता येणार आहे. 23 नोव्हेंबर 2018 पर्यंत ही योजना सुरू असणार आहे.

एसबीआयच्या संकेतस्थळावर दिलेल्या माहितीनुसार, जर तुम्ही इंडियन ऑईल कॉर्पोरेशनच्या कोणत्याही पंपावरुन पेट्रोल भरल्यास आणि भीम अॅपद्वारे एसबीआय बँकेतून आर्थिक व्यवहार केल्यास 5 लिटर पेट्रोल मोफत मिळू शकतं. मात्र, या ऑफरचा लाभ घेण्यासाठी तुम्हाला किमान 100 रुपयांचं पेट्रोल भरावं लागेल. त्यानंतर भीम अॅपद्वारे केलेल्या या 100 रुपयांच्या आर्थिक व्यवहाराचा नंबर लिहून 9222222084 या नंबरवर एसएमएस करावा लागणार आहे.

(भीम अ‍ॅपद्वारे पेमेंट केल्यानंतर पेमेंट नंबर <UPI Reference No. (12-Digit)> <DDMM> टाईप करून 9222222084 या फोन नंबरवर SMS पाठवा. या SMSसाठी नॉर्मल चार्जेस लागतील.) त्यानंतर जर तुमचा नंबर निवडण्यात आला तर तुमच्या मोबाइक क्रमांकावर मेसेजद्वारे कळवलं जाईल आणि तुम्ही 400 रुपये कॅशबॅक म्हणजेच जवळपास 5 लिटर पेट्रोल मोफत मिळवू शकणार आहात. 23 नोव्हेंबर 2018 पर्यंत ही ऑफर सुरू असणार आहे.

चोसाका संचालक मंडळासह कार्यकारी संचालकांविरुध्द तक्रार : धनादेश अनादर प्रकरण

0

चोपडा ।  प्रतिनिधी :  चोसाका कडून ऊस उत्पादक शेतकर्‍यांना थकीत पेमेंटचे दि.10 नोव्हेंबरच्या मुदतीचे धनादेश देण्यात आले होते परंतु चोसाकाच्या बँक खात्यात शिल्लक नसल्याने धनादेशाचा अनादर झाल्यामुळे शेतकर्‍यांना पैसे मिळाले नाहीत. निराशा होऊन देखील शेतकर्‍यांनी संयम दाखवत सोमवार पर्यंतचा अल्टीमेटम दिला होता. परंतु चोसाका संचालक मंडळा कडून आज दुपार पर्यंत पेमेंट बाबत कुठलीच हालचाल न झाल्याने अखेर सोमवारी ऊस उत्पादक शेतकर्‍यांनी एस. बी.पाटील यांच्या नेतृत्वाखाली शहर पोलीस स्टेशन गाठून चोसाकाचे चेअरमन,व्हॉईस चेअरमनसह संचालक मंडळ ,प्रभारी कार्यकारी संचालक, चीफ अकाऊंटन या सर्वांच्या विरोधात पोलीसात लेखी तक्रार दाखल केली.

चोसाका संचालक मंडळाने 2017/18 च्या गाळप हंगामासाठी काट्याखाली पैसे देऊ असे ठोस आश्वासन ऊस उत्पादक शेतकर्‍यांना दिले होते.त्यावर विश्वास ठेवून तालुक्यातील शेतकर्‍यांनी कारखान्यास ऊस दिला होता.परंतु शेतकर्‍यांना काट्याखाली पैसे मिळालेच नाहीत.या संदर्भात शेतकरी कृती समितीचे समन्वयक एस.बी.पाटील यांच्यासह ऊस उत्पादकांनी रास्तारोको आमरण उपोषण,मोर्चा तसेच स्वातंत्र्यदिनी आयोजित आत्मदहन आंदोलन केले परंतु सर्वपक्षीय नेते व चोसाका संचालक मंडळा कडून आश्वासना पलीकडे काहीच शेतकर्‍यांच्या पदरी काहीच मिळाले नाही. शेवटी साखर आयुक्तांनी पुन्हा आरआरसीची कार्यवाही केली.

त्यानंतर चोसाका प्रशासनाने गेल्या महिन्यात ऊस उत्पादकांना 2 कोटी 44 लाख 32 हजार रकमेचे दि.10 नोव्हेंबर मुदतीचे बंधन बँकेचे धनादेश दिले. शेतकर्‍यांनी धनादेश क्लिअरिंगसाठी बँकेत जमा केला परंतु चोसाकाच्या बँक खात्यात शिल्लकच नसल्याने शेतकर्‍यांचे धनादेश बाऊन्स झाले म्हणजे वटले नाहीत तरी देखील संचालक मंडळास ऊस उत्पादकांनी दि.19 नोव्हेंबर सोमवार पर्यंतचा अल्टीमेटम दिला आठ दिवसाची मुदत देऊन सुद्धा आज पर्यंत चोसाका संचालक मंडळाने पेमेंट देणे संदर्भात कुठलीच हालचाल केली नाही म्हणून हताश झालेल्या शेतकर्‍यांनी कृती समितीचे समन्वयक एस.बी.पाटील यांच्या नेतृत्वाखाली तहसील कार्यालय गाठून तहसील दीपक गिरासे,पोलीस निरीक्षक किसनराव नजन पाटील यांची भेट घेऊन थकीत पेमेंट बाबत चर्चा केली

यावेळी तहसीलदार दीपक गिरासे यांनी चोसाका प्रशासनाशी दूरध्वनीवरून संपर्क साधला परंतु त्यांना शेतकर्‍यांना पेमेंट करणे बाबत ठोस उत्तर मिळाले नाही.यावेळी संचालक मंडळाने शेतकर्‍यांची शुद्ध फसवणूक करून धूळफेक केली असल्याचा आरोप शेतकर्‍यांनी तहसीलदार दीपक गिरासे व पोलीस निरीक्षक नजन पाटील यांच्यासमवेत तहसीलदारांच्या दालनात झालेल्या बैठकीत करण्यात आला.त्यानंतर ऊस उत्पादक शेतकर्‍यांनी लेखी तक्रार दाखल करण्याचा निर्णय घेतला.

आमचा कोणत्याच संचालकाविषयी द्वेष नाही परंतु पैशाचे सोंग आम्ही करु शकत नाही तेंव्हा नाईलाजाने आम्हाला तक्रार दाखल करावी लागत आहे असे उपस्थित शेतकर्‍यांनी पत्रकारांशी बोलतांना सांगितले याप्रसंगी शेतकरी कृती समितीचे एस.बी. पाटील,शिवाजी पाटील,प्रदीप पाटील,दिलीप पाटील,विजय पाटील,दिलीपसिंग सिसोदिया, भरत पाटील,दिलीप धनगर,प्रवीण पाटील, मुकुंद पाटील,प्रशांत पाटील,प्रकाश पाटील, चंद्रकांत पाटील यांचेसह आदी शेतकर्‍यांनी पोलीस निरीक्षक नजनपाटील यांना चोसाका संचालक मंडळा विरोधात लेखी तक्रार वजा फिर्याद बाबतचे लेखी निवेदन दिले.

भाऊ होता म्हणून बिबट्याच्या हल्ल्यातून वाचलो

0
विंचुरी दळवी (वार्ताहर) | येथील रामदास किसन दळवी शेताला पाणी देत असताना पहाटे चारच्या सुमारास बिबटयाने अचानक हल्ला केला. या घटनेत दळवी जखमी झाले.

विंचुरी दळवी परिसरात रामदास दळवी यांची मेढे मळ्यात त्याचे शेती आहे. ते व त्याचा भाऊ विजय दोघे शेतात पिकाला पाणी भरत होते. अचानक बिबट्याने त्यांच्या हातावर हल्ला केला. बिबट्या बघून ते प्रचंड घाबरले त्यांनी आरडाओरड केली. त्यानंतर भाऊ विजय याठिकाणी धावत आले. त्यांनी आरडाओरड करत बिबट्याच्या तावडीत रामदास दळवी यांना सोडवले.

दरम्यान, रामदास दळवी यांना उपचारासाठी सरकारी दवाखान्यात नेण्यात आले असून त्यांच्यावर उपचार सुरु आहेत. विजय होता म्हणून बिबटयाचा हल्यात माझे प्राण वाचले अशी प्रतिक्रिया रामदास दळवी यांनी देशदूत डिजिटलशी बोलताना दिली.

Social Media

26,926FansLike
5,154FollowersFollow
1,364SubscribersSubscribe
error: Content is protected !!