Video : इगतपुरी येथे टाळ-मृदूंगाच्या सोबत गजराज बाप्पाला निरोप

0

इगतपुरी : घोटी, इगतपुरी टॅक्सी चालक मालक सहकारी संस्थेच्या सार्वजनिक गणेशोत्सव मिरवणुकीला सुरुवात झाली. या मिरवणुकीत डीजे व ढोलताशाला फाटा देत पारंपारीक वेषभुषा करून टाळ मृदुंगाच्या गजराने दींडी काढुन गणरायाला निराेप देण्यात आला.

गेल्या ४० ते ५० वर्षापासुन ही संस्था गणेशाची स्थापना करीत असुन घोटी इगतपुरी नाशिक अशी टॅक्सी चालवुन जनतेची सेवा करत आहे. या संस्थेत मुस्लीम बांधवही मोठ्या संखेने असुन त्यांनीही या मिरवणुकीत भाग घेतला.

या मिरवणुकीने घोटीकरांचे लक्ष वेधले. उत्कृष्ट दिंडी काढल्याबद्दल ग्रामपंचायतीच्या वतीने या संस्थेतील पदाधिकारी यांचा सत्कार करण्यात आला.

 

Video : विदेशी पर्यटकांनी धरला ‘नाशिक कावडी’वर ठेका; एकदा व्हिडीओ बघाच

0
नाशिक | गणेश विसर्जनाच्या निमित्त मिरवणुकीत प्रसिद्ध नाशिक कावडीवर स्पेनच्या पाहुण्या पर्यटकांनी  ठेका धरला. वेगवेगळ्या धाटणीने साकारलेले गणराय, त्यातून दिलेला सामाजिक संदेश यामुळे भारतीय संस्कृतीचे या पर्यटकांनी कौतुक केले.

यंदाच्या गणेशोत्सवामध्ये वेगवेगळ्या संकल्पनांनी गणराय साकारण्यात आले होते. त्यात योगेश कमोद यांनी ई-कचऱ्यातून साकारलेल्या 9 फूट गणेश मूर्तीची देखील चर्चा झाली.

घंटागाडी कर्मचार्यापासून ते स्पेनचा पाहुणा स्पस्निशपर्यंत अनेकांनी याठिकाणी येऊन गणरायाचे दर्शन घेतले. शहरातील
वेध नारी मंचने जुन्या बंद पडलेल्या कॉम्प्युटरच्या टाकाऊ वस्तूंपासून E गणेश साकारला होता. या  मूर्तीसाठी 70 माउस, 13 कार्ट्रेज, 6 सीपीयु, 8 मॉनिटर, 1 टीव्ही, 240 विविध केबल लागल्या होत्या.

आज या गणपतीचे विसर्जन करण्यात आले. यावेळी स्पेनच्या काही पर्यटकांनी विसर्जन मिरवणुकीला हजेरी लावली.  प्रसिद्ध नाशिक कावडी यावेळी वाजत असताना विदेशी पाहुण्यांनीदेखील कावडीवर ठेका धरला होता. गणपती बाप्पा मोरयाच्या जयघोषात एनडी पटेल रोड याप्रसंगी दुमदुमला होता.

 भुसावळात गणेश विसर्जनाचा उत्साह

0
आशिष पाटील : भुसावळ  : येथील तापी नदी पात्रात सकाळपासून घरगुती तसेच छोट्या गणेश मंडळांच्या मुर्त्यांचे विसर्जन मोठ्या उत्साहात करण्यात आले.

यावेळी नदी किनाऱ्यावर डॉक्टर श्री नानासाहेब धर्माधिकारी प्रतिष्ठान च्या लोकांनी पर्यावरण संरक्षणासाठी निर्माल्य कलर तयार केला होता त्या कलशात निर्माल्य टाकण्यात आले गणेश विसर्जनासाठी आलेल्या भक्तांना लोकांकडून निर्माल्य घेण्याचे आवाहन करण्यात आले नदीपात्रात दुर्घटना टाळण्यासाठी जीवन रक्षक दलाचे 50 50 स्वयंसेवक तैनात करण्यात आले आहे विसर्जनासाठी भाविकांची अडचण टाळण्यासाठी पालिका प्रशासनाने बंद असलेला मामाजी टॉकीज रोड एक दिवसांसाठी एकतर्फी खुला करून घेण्यात आला आहे.

शहरात सकाळपासून मिरवणूक मिरवणूक रांगेत लागण्यासाठी मंडळांची तयारी सुरू करण्यात आली आहे दरम्यान तापी नदी मुलाच्या दोन्ही बाजूंना छोट्या-मोठ्या मंडळांच्या गणेश मूर्ती विसर्जनाची व्यवस्था करण्यात आली या ठिकाणी सकाळपासूनच गर्दी बघावयास मिळाली नदीपात्रावर गणेश विसर्जनासाठी जाणाऱ्या भक्तांसाठी येथील साई भक्त तथा नगरसेवक पिंटू कोठारी यांनी यावर रोडवरील न्यू सहजीवन समोर केळी वाटप केले वाटप केले.

गणेश विसर्जनासाठी आवश्यक पूजा-अर्चा केळीचे खांब यासह विविध पूजेचे साहित्य बाजारात दाखल झाले होते पोलीस प्रशासनातर्फे मिरवणूक मार्ग तापी नदी यासह शहरात विविध ठिकाणी उपविभागीय पोलिस अधिकारी गजानन राठोड यांच्या मार्गदर्शनाखाली पोलीस निरीक्षक देविदास पवार पोलीस निरीक्षक बाळासाहेब डोंबे व अधिकारी व कर्मचारी यांनी बंदोबस्त ठेवला आला आहे

पालिका प्रशासनाच्या वतीने सुविधा देण्यासाठी मुख्याधिकारी रोहिदास दोरकुळकर यांच्यासह पालिका कर्मचारी परिश्रम घेत आहेत

बसस्थानकात बदल शहरातील जामनेर रोड व मुख्य रस्त्यावर गणेश मुर्ती विसर्जन मिरवणूक काढण्यात येणार असल्याने शहरातील बस स्थानक येथील डॉक्टर बाबासाहेब आंबेडकर मैदानावर हलविण्यात आले आहे दुपारनंतर शहरातील औरंगाबाद जामनेर रोड वरून शहरात येणारी वाहतूक महामार्गावरून वळविण्यात आली

मंडळ व कार्यकर्त्यांनी नियमांचे पालन करा डीवायएसपी राठोड गणेश विसर्जना निमित्त ाढण्यात येणार्‍या मिरवणुकीत गणेश मंडळ व पदाधिकारी वाद्यवादक डीजे चालक यांनी नियमांचे पालन करा अन्यथा नियमानुसार उच्च न्यायालयाच्या आदेशानुसार क** कारवाई करण्यात येईल असा इशारा उपविभागीय पोलीस अधिकारी गजानन राठोड यांनी दिला आहे

शहरातील मुख्य मंदिरापासून मिरवणुकीची रांग लावण्यात येणार आहे नुर्सिंह मंदिर डिस्को टावर मरीमाता मंदिर लक्ष्मी चौक मॉडर्न रोड गांधी चौक मार्ग बाजारपेठ पोलीस स्टेशन विसर्जन या मार्गाने विसर्जन करण्यात येणार आहे

कडक बंदोबस्त

गणेश विसर्जनासाठी शहरात कडक बंदोबस्त ठेवण्यात आला आहे यासाठी उपविभागीय पोलीस अधिकारी गजानन यांच्या मार्गदर्शनाखाली पोलीस निरीक्षक देविदास पवार पोलीस निरीक्षक बाबासाहेब ठोंबे यांच्यासह सात पोलीस अधिकारी शंभर पोलीस कर्मचारी पन्नास होमगार्ड एसआरपी व आरसीबी प्लाटून असा कडक बंदोबस्त ठेवण्यात आला आहे ठीक ठिकाणी सीसीटीव्ही कॅमेरे लावण्यात आले असून मिरवणुकीवर नजर ठेवण्यात येणार आहे

पारोळ्यास विसर्जन श्रीगणेशाचे : रक्षण पर्यावरणाचे” उपक्रमास प्रतिसाद

0

पारोळा. प्रतिनिधी :   येथील गणेश भक्तांना जलप्रदूषण वाचविण्यासाठी एक नवीन शक्कल शहरातील काही तरुणांनी संकल्पना व आयोजन केलेले असून सहकार्य करण्याचे आवाहन त्यांनी केले होते त्यास चांगला प्रतिसाद मिळत असून छोटे गणपती बाप्पाचे विसर्जन या शुद्ध पाण्याच्या टाकिंमध्ये केले जात आहे.

दरवर्षी गणेश मूर्ती ची विक्री होते त्यात जास्तीत जास्त मुर्त्या ह्या प्लास्टिक पॅरिस पासून व रासायनिक रंगापासून बनविलेल्या असतात त्यामुळे विसर्जन करण्यात येणारे जलसाठे दूषित होतात तसेच या मूर्तींचे वेगवेगळे भाग होऊन आपल्याकडूनच बाप्पाचे विटंबना होते .ते थांबविण्यासाठी शहरातील अमळनेर रस्त्यावरील शनिमंदिराजवळ,न.पा.चौकात,कजगाव नाका या तीन ठिकाणी मोठ्या टाक्या ठेवण्यात आलेल्या असताना आज दि.२३ रोजी सकाळपासून याठिकाणी गणेश मूर्तींचे विसर्जन भटजीकडून विधिवत पध्दतीने पूजा अर्चा करून केले जात असून विनंतीस मान देऊन छोट्या मंडळांनी,घरगुती गणेश भक्तांनी या ठिकाणी विसर्जन करण्याचे आवाहन मयूर मालपुरे, अमोल शिरोळे, प्रा.विकास सोनवणे, अभय पारख यांनी केले होते त्यास उत्तम प्रतिसाद मिळत आहे.

बाप्पाला निरोप देण्यासाठी गंगेवर भक्तांचा मेळा

0

नाशिक : दहा दिवस भक्तीभावाने पूर्जा अर्चना केल्यानंतर आज आपल्या लाडक्या बाप्पाला निरोप देण्याची वेळ आली आहे. आज बाप्पांचे विसर्जन करण्यात येणार आहे.

लाडक्या गणरायाला निरोप देण्यासाठी गंगाघाटावर भाविकांची प्रचंड गर्दी यांना डीजे मुक्त गणेश विसर्जन मिरवणूक बघायला मिळाली असून पारंपरिक वाद्यांवर भर दिलेला असल्याचे पंचवटीत दिसून आले.

या ठिकाणी मनपा पंचवटी विभागाच्या माध्यमातून सकाळपासून सुमारे 700 हून अधिक मूर्ती संकलन केले.

Video / Photo : पारंपारिक वाद्य आणि पर्यावरणपूरक गणरायाच्या सजावटींनी वेधले लक्ष

0

नाशिक | उच्च न्यायालयाच्या डीजे बंदीनंतर नाशिकमध्ये गणेश विसर्जन मिरवणुका पारंपारिक वाद्यांच्या दणदणाटात पार पडत आहेत. विशेष म्हणजे, यंदा पर्यावरण पूरक गणरायाच्या सजावटींनी लक्ष वेधून घेतले आहे.

झेंडूच्या फुलांचे कोंदण गणरायाला घातले असून वेगवेगळ्या रंगाच्या फुलांनी गणरायाच रथ सजवला आहे. डिजे-गुलाल मुक्त मिरणुकीवर यावर्षी भर दिलेला दिसून येत आहे.

यंदाच्या मिरवणुकीत ढोल पथकांनी आकर्षक अशी केशरी, पांढऱ्या रंगाची वेषभूषण परिधान केली आहे. त्यामुळे गणेशविसर्जनात ढोल ताशांसोबत आकर्षक पेहेरावाचीदेखील यावर्षी चर्चा आहे.

गुलालवाडी लेझीम पथकाने वेधले लक्ष

सातपूरला गणेश विसर्जन मिरवणुकीला सुरवात; 250 मूर्तींचे संकलन

0

सातपूर / प्रशांत कुटे : गेल्या दहा दिवसांपासून शहरातील वातावरण बाप्पामय झाले होते. आज सकाळपासून गणेश मंडळांचे कार्यकर्ते गणेश विसर्जनाच्या तयारीत व्यस्त आहेत.

शहरातील सातपूर परिसरात गणेश विसर्जनाच्या तयारील वेग आला आहे. परिसरातील गणेश विसर्जनासाठी आयटीआय पूल येथे विसर्जन केले जात असून भावीण भक्त विसर्जनाच्या तयारीत भक्त तल्लीन आहेत.

या दरम्यान सातपूर येथे सकाळपासून दुपारी दीड वाजेपर्यंत सुमारे अडीचशे मूर्तींचे संकलन या ठिकाणी करण्यात आले आहे.

Photo / Video : नाशिकचे घरगुती गणेश विसर्जन

0
नाशिक | नाशिकमध्ये सकाळी सात वाजल्यापासूनच घरगुती गणरायाचे विधिवत आरती करून विसर्जन करण्यास सुरुवात झाली आहे. गोदावरी नदीकाठी विविध भागात महापालिका प्रशासन, पोलीस प्रशासन आणि शहरातील सामाजिक संस्थांच्या, शाळा महाविद्यालयाच्या माध्यमातून गणेशविसर्जनासाठी तयारी करण्यात आली आहे.

सकाळी रामवाडी पूल, सिद्धेश्वर मंदिर, गंगापूर रोड, तपोवन, पंचवटी परिसर, पाईपलाईन रोड, आनंदवल्ली परिसरात सकाळपासून नाशिककरांनी गर्दी केली होती.

गोदावरीचे प्रदूषण टाळण्यासाठी महापालिकेकडून याठिकाणी निर्माल्य कलश ठेवले आहेत. प्रसाद संकलित करण्यासाठी वेगळी व्यवस्था आहे. घंटागाडी प्रत्येक गणेशविसर्जनस्थळी उभी करण्यात आली आहे.

अनेक नाशिककरांनी निर्माल्य कलशात निर्माल्य टाकण्यास प्राधान्य दिले आहे. तर कुत्रिम तलावात गणेशमूर्ती विसर्जित करून मनपाच्या मूर्ती संकलन केंद्राला मूर्ती दान केली आहे.

ढोल ढोल ताशांच्या दणदणाटात आणि गणपती बाप्पा मोरया पुढच्या वर्षी लवकर या घोषणांनी गोदाकाठ परिसर दुमदुमला आहे.

सर्व फोटो : पंकज जोशी, दिनेश सोनवणे देशदूत डिजिटल

बाप्पा चालले आपल्या गावाला, चैन पडेना मनाला; राज्यभर गणेश विसर्जनाची धूम

0

मुंबई : राज्यभर आज लाडक्या गणरायाला मोठ्या भक्तीभावाने निरोप दिला जाणार आहे. गणेश विसर्जनासाठी राज्यभरात पोलीस प्रशासन सज्ज झाले आहे. पर्यावरणपूरक गणेश विसर्जनासाठी राज्यभरातील पालिकांनी जय्यत तयारी केली आहे. यंदा न्यायालयाने मिरवणुकीत डीजेवर बंदी आणल्याने डीजेमुक्त मिरवणूक होणार आहे. त्यामुळे गणेश विसर्जन मिरवणुकीत डीजे लावल्यास कायदेशीर कारवाई करण्यात येणार आहे.

लालबागच्या राजाच्या मिरवणुकीला थोड्याच वेळात सुरुवात होणार आहे. गणेश गल्लीच्या राजाच्या मिरवणुकीला सुरुवात झाली असून जुहू समुद्रकिनारी घरगुती गणपतींचे विसर्जनासाठी भक्तांचे आगमन सुरू झाले आहे. गणपती बाप्पाच्या विसर्जनासाठी मुंबईकर दादर चौपाटीवर दाखल होताना दिसत आहेत. विसर्जनाच्या पार्श्वभूमीवर पालिका आणि पोलीस प्रशासनाने योग्य ती काळजी घेतली आहे.

जागोजागी सूचना फलक लावण्यात आले आहे. नियंत्रण आणि मदत केंद्र देखील या विसर्जन केंद्रावर सज्ज ठेवण्यात आले आहे. पोलीस बंदोबस्त तैनात करण्यात आला असून गणेश भक्तांना विसर्जनाच्या योग्य सूचना देण्यात येत असून स्वच्छतेबाबत ही योग्य ती काळजी महापालिकेकडून घेण्यात येत आहे. दादर चौपाटीवर सकाळपासून अनेक गणेशभक्तांनी उपस्थिती लावून घरगुती गणेश मूर्तींचे विसर्जन करताना पाहायला मिळत आहे.

 # Photo Gallery # जळगाव गणेश विसर्जन मिरवणूक

0
जळगाव | प्रतिनिधी : दहा दिवस मनोभावे गणेश भक्तत तल्लीन झालेल्या गणेश भक्तांनी भावपूर्ण वातावरणात आज गणेशाला निरोप दिला.

जळगाव शहरातील गणेश विसर्जन मिरवणूकीचे हे काही खास छायाचित्रे

(सर्व छायाचित्रे : पांडुरंग महाले, देशदूत डिजीटल)

Social Media

26,106FansLike
5,154FollowersFollow
1,143SubscribersSubscribe
error: Content is protected !!