सूर्यवंशी मेमोरियल ट्रॉफी आंतर तालुका क्रिकेट स्पर्धा; नाशिक ग्रामीण व मालेगाव मध्ये अंतिम सामना

सूर्यवंशी मेमोरियल ट्रॉफी आंतर तालुका क्रिकेट स्पर्धा; नाशिक ग्रामीण व मालेगाव मध्ये अंतिम सामना

नाशिक | प्रतिनिधी

किशोर सूर्यवंशी मेमोरियल ट्रॉफी आंतर तालुका क्रिकेट स्पर्धेत सिन्नर व येवला विरुद्ध दणदणीत विजय मिळवून उपांत्य फेरी गाठणाऱ्या त्र्यंबकचा, नाशिक ग्रामीणने अतिशय चुरशीच्या लढतीत 12 धावांनी पराभव करून अंतिम फेरी गाठली. सिन्नर विरुद्ध रवी वाव्हळच्या घणाघाती नाबाद शतकामुळे १०९ त्र्यंबकने १४६ धावांनी मोठा विजय मिळवला तर विलास झोलेच्या ६ बळीमुळे येवला विरुद्ध ७ गडी राखून विजय मिळवला.

परंतु उपांत्य फेरीच्या लढतीत नाशिक ग्रामीण विरुद्ध अजय अनवटच्या ६७ धावांमुळे व रितेश शर्माच्या ४ बळीमुळे, रवी वाव्हळची नाबाद ६३ झुंज अपयशी ठरली व नाशिक ग्रामीण १२ धावांनी विजयी झाले. तर मालेगावने इगतपुरी विरुद्ध ८१ धावांनी मोठा विजय मिळविला व अंतिम फेरी गाठली. अंतिम सामना हुतात्मा अनंत कान्हेरे मैदान, गोल्फ क्लब येथे सोमवार दिनांक २ डिसेंबर रोजी होणार आहे.

logo
Latest Marathi News, Marathi News Paper, Breaking News In Marathi, Marathi Batmya Live
www.deshdoot.com