श्रीरामपूर |प्रतिनिधी| Shrirampur
राहुरी तालुक्यातील केसापूर येथे सिंगल फेज विद्युत पुरवठा सुरळीत न झाल्यास काँग्रेस (आय) पक्षातर्फे बेलापूर येथील महावितरण कार्यालयासमोर कोणतीही पूर्वसूचना न देता उपोषण करण्यात येईल. जिल्हा काँग्रेसचे सरचिटणीस व केसापूरचे माजी सरपंच दीपक धोंडीराम पवार यांनी दिला आहे.
केसापूर येथे बेलापूर फिडरमधून सिंगल फेज विद्युतपुरवठा होतो. परंतु गेल्या काही दिवसांपासून कधी रात्रीला तर कधी दिवसा विद्युतपुरवठा बंद केला आहे. दिवसा कडक ऊन व रात्रीच्या उकाड्यामुळे नागरिकांचे व वयोवृद्ध तसेच लहान बालकांचे हाल होत असून जीव मेटाकुटीला येत आहे.
विद्युतपुरवठा त्वरित सुरळीत न झाल्यास काँग्रेस पक्षातर्फे बेलापूर येथील महावितरण कार्यालयासमोर कोणतीही पूर्वसूचना न देता उपोषण करण्यात येईल. उपोषणादरम्यान कायदा व सुव्यवस्थेचा प्रश्न निर्माण झाल्यास त्याची सर्वस्वी जबाबदारी महावितरण विभागाची राहील. असे निवेदन पवार यांनी दिले आहे.
