पुलवामात २४ तासांत ७ दहशतवादी ठार

पुलवामा

जम्मू-काश्मीरमधील पुलवामा सेक्टरमध्ये सुरक्षा दल आणि दहशतवाद्यांमध्ये चकमक झाली आहे. या चकमकीत सुरक्षा दलाकडून दहशतवाद्यांचा खात्मा करण्यात आला आहे. सुरक्षा दलास हे मोठे यश मिळाले आहे.

पुलवामा सेक्टरमध्ये २४ तासांत दुसरी चकमक झाली. या चकमकीत एकूण ७ दहशतवादी ठार झाले. तसेच १ जवान शहीद झाला. काश्मीर झोन पोलिसांनी दिलेल्या माहितीनुसार रात्री १ वाजल्यापासून पोलीस आणि सुरक्षा दलाकडून सर्च ऑपरेशन सुरू आहे. शुक्रवारी झालेल्या चकमकीत ४ दहशतवादी ठार झाले होते. त्यानंतर शनिवारी सकाळी ३ दहशतवादी ठार झाले. गेल्या २४ तासांत ७ दहशतवादी ठार झाले आहे.