राहुरी |तालुका प्रतिनिधी| Rahuri
राहुरी येथील संत गाडगे महाराज आश्रमशाळा येथे राहुरी तालुक्यातील आदिवासी पारधी समाजातील कुटुंबियांना आदिवासी विकास विभाग अंतर्गत एकात्मिक आदिवासी विकास प्रकल्प राजूर यांच्याकडून पारधी विकास योजना सन 2021-22 मधून 63 कुटुंबियांना नऊ लाख 62 हजार रुपये किंमतीचे पन्हाळी पत्रे प्रतिकुटुंब आठ पत्र्यांचे वाटप एकूण 63 कुटुंबियांना एकूण 504 पत्रे ना. प्राजक्त तनपुरे यांच्या हस्ते करण्यात आले.
यावेळी राहुल गवळी, भारत भुजाडी, नंदकुमार गागरे, सरपंच ज्ञानदेव बाचकर व इतर मान्यवर उपस्थित होते. यावेळी पारधी समाजाला इतरही योजनेचा लाभ देण्यासाठी प्रयत्न करणार असल्याचे ना. तनपुरे म्हणाले. तसेच पारधी समाजाने मुलांना शिक्षण द्यावे व शासनाचे विविध योजना व कुटुंबियांचा स्तर उंचवावा, अशी अपेक्षा व्यक्त केली. यावेळी प्रस्तावना जाधव यांनी केली व आभार भिंगारदिवे यांनी मानले.
