नाशिक | प्रतिनिधी | Nashik
उष्णतेच्या लाटेपासून (Heat Wave) दिलासा मिळत असून कमाल तापमानही (temperature) आणखी २ डिग्रीने खाली उतरण्याची शक्यता आहे…
पुढील तीन दिवस ढगाळ वातावरणासह तुरळक ठिकाणीच केवळ अगदी किरकोळ पावसाची (Rain) शक्यता जाणवते, असा अंदाज हवामान तज्ञ माणिकराव खुळे (Manikrao Khule) यांनी व्यक्त केला आहे.
मुंबईसह (Mumbai) संपूर्ण कोकण व मध्य महाराष्ट्रातील (नंदुरबार, धुळे, जळगांव, नाशिक, नगर, पुणे, सातारा, सांगली, कोल्हापूर, सोलापूर) जिल्ह्यात पुढील ३ दिवस ढगाळ वातावरणासह तुरळक ठिकाणीच केवळ अगदी किरकोळ पावसाची शक्यता जाणवते.
मराठवाडा (Marathwada}) व विदर्भात (Vidarbh) या वातावरणाची शक्यता नाही. सध्या गहू, कांदा व उशिरा धरलेल्या द्राक्षाच्या बागेत (Grapes Farm) काढणी वेगात चालू आहे.
शेतकऱ्यांनी (Farmers) विशेष घाबरून न जाता सावधतेने व सुरक्षित व झाक-पाक सामग्री हाताशी ठेवून हार्वेस्टिंग चालू ठेवण्यास हरकत नाही, असे माणिकराव खुळे यांनी सांगितले.