देवळाली कॅम्प । वार्ताहर Deolali Camp
नेपाळ येथे झालेल्या दुसर्या इंडो-नेपाळ कबड्डी स्पर्धेत ( Indo-Nepal Kabaddi Championship )भारताला सुवर्णपदक मिळाले असून या संघात देवळालीच्या केंद्रीय विद्यालयाच्या शारदा प्रसाद तिवारी याचा समावेश होता.
17 वर्षाखालील स्पोर्ट्स डेव्हलोपमेंट कमिटी ऑफ इंडिया यांच्या वतीने आयोजित नेपाळच्या पोखारा येथे नेपाळ युथ स्पोर्ट्स डेव्हलोपमेंट फोरमच्या (Nepal Youth Sports Development Fourm ) वतीने दुसरी आंतरराष्ट्रीय खेळ-2022 चे आयोजन करण्यात आले होते.
त्यात भारताचा संघ शारदाप्रसाद तिवारीच्या नेतृत्वाखाली सहभागी झाला होता, या संघाने अंतिम सामन्यात नेपाळला 51- 49 अशा गुणांनी पराभूत करत ही स्पर्धा जिंकली. त्याला प्रशिक्षक जी.क्यू.उस्मानी यांचे मार्गदर्शन मिळाले, तर प्राचार्य राजेश कुमार, उपप्राचार्य परमदेव यादव आदींसह सर्व शिक्षकांनी तिवारी याचा शाळेत सत्कार केला.
