राज्यात करोना बाधित मृतांची संख्या २७ हजारांच्या पार

मुंबई | Mumbai

महाराष्ट्रात करोना व्हायरसचा विळखा अधिकाधिक घट्ट होत चालला असून यापासून आपल्या राज्याची सुटका करण्यासाठी शासन सर्वोतोपरी प्रयत्न करत आहेत.

महाराष्ट्र राज्य आरोग्य मंत्रालयाने दिलेल्या माहितीनुसार, राज्यात काल (७ सप्टेंबर) दिवसभरात १६,४२९ नवे करोना पॉझिटिव्ह रुग्ण आढळले असून ४२३ जणांचा मृत्यू झाला आहे.

यामुळे राज्यातील करोना बाधितांची एकूण संख्या ९ लाख २३ हजार ६४१ वर पोहोचली असून मृतांचा आकडा आकडा २७,०२७ वर पोहोचला आहे. सध्या राज्यातील मृत्यूदर २.९३ टक्के एवढा आहे.