TWEET : मुंबई : रेड चिलीजच्या अनधिकृत बांधकामावर महापालिकेने कारवाई

0

मुंबई : गोरेगाव पश्चिम येथील अभिनेता शाहरुख खानच्या रेड चिलीजच्या ऑफिसवर महापालिकेने कारवाई केली आहे.

शाहरुखच्या रेड चिलीज दोन हजार चौरस फूट जागेवरील अनधिकृत बांधकामावर महापालिकेने कारवाई केली.  महापालिकेच्या पी दक्षिण विभागाने ही धडक कारवाई केली आहे.

डीएलएच पार्क या इमारतीच्या चौथ्या मजल्यावरील अतिक्रमणावर महापालिकेकडून कारवाई करण्यात आली.

गच्चीवरील रेस्टॉरंटला अद्याप पालिकेने मंजुरी दिलेली नाही, मात्र सर्व नियम धाब्यावर बसवून हे हॉटेल या इमारतीच्या गच्चीवर दोन हजार चौरस फूट जागेमध्ये चालवण्यात येत होते. रेड चिल्लीज या कंपनीमार्फत शाहरुख खान व त्याची पत्नी गौरी खान चित्रपटाची निर्मिती करीत आहेत. या कंपनीचे गोरेगाव पश्चिम येथी एस व्ही रोडवर प्रशस्त कार्यालय आहे. रेड चिल्लीज एफ एमचे कार्यालयही याच ठिकाणी आहे. येथील कर्मचाऱ्यांसाठी उपहारगृह नसल्याने हे हॉटेल बांधण्यात आले होते, असे समजते.

रेड चिलीज कंपनीच्या कार्यालयातील सुमारे दोन हजार चौरस फूटांची गच्ची अनधिकृत बांधकाम करुन बंद करून हे हॉटेल चालवण्यात येत होते. हे सर्व अनधिकृत बांधकाम पाडण्यात आले.

LEAVE A REPLY

*