संगमनेरात एकात्मतेची शपथ

0

संगमनेर (प्रतिनिधी) –1857 पासून सुरू झालेल्या भारतीय स्वातंत्र्य लढ्यात अनेक थोर पुरुषांनी आपल्या प्राणाचे बलिदान दिले. स्वातंत्र्यलढ्यातील सर्व राष्ट्रपुरुषांचे व स्वातंत्र्यसैनिकांचे भारतीय स्वातंत्र्य लढ्यातील योगदान अनमोल असून त्यांच्या विचारांना संगमनेर शहर काँग्रेस कमिटीच्यावतीने अभिवादन करण्यात आले. यावेळी राष्ट्रीय एकात्मतेची शपथ देण्यात आली.

9 ऑगस्ट क्रांतिदिनानिमित्त संगमनेर शहर काँग्रेस कमिटीच्यावतीने आयोजित प्रभातफेरी व नेहरू चौकात शहिदांना अभिवादन करण्यात आले. यावेळी स्वातंत्र्यसैनिक बाळासाहेब डोंगरे, बाबूराव गंवडी, ज्ञानेश्‍वर नाईक, गुलाबराव ढोले गुरुजी, विश्‍वासराव मुर्तडक, गजेंद्र अभंग, नितीन अभंग, प्रा. बाबा खरात, लक्ष्मण बर्गे, किशोर टोकसे, केशवराव मुर्तडक, सुहासिनी गुंजाळ, आरिफ देशमुख, मधुकर गुंजाळ, लखन घोरपडे, अ‍ॅड. लक्ष्मण खेमनर, मुख्याधिकारी डॉ. सचिन बांगर, मुस्ताक शेख, बाळू काळे यांसह नगरसेवक व नगरसेविका आदी मान्यवर उपस्थित होते.
यावेळी नेहरू चौकातील अशोक स्तंभ येथे अभिवादन करून प्रभातफेरीने महात्मा गांधी चौकातील राष्ट्रपिता महात्मा गांधी यांच्या पुतळ्यास पुष्पहार घालून आंदराजली अर्पण केली व त्यानंतर स्वांतत्र्यचौकातील स्वांतत्र्यवीर सावरकरांच्या पुतळ्यास पुष्पाहार अर्पण करून अभिवादन करण्यात आले.

LEAVE A REPLY

*