मुंबई - गुहागर विधानसभेची जागा शिवसेनेला देण्याच्या हालचाली सुरू असल्याने संतप्त गुहागरच्या कार्यकर्त्यांनी मुंबईत भाजपच्या कार्यलयासमोर धरणे धरले.भाजपचे नेते गोपीनाथ मुंडे, प्रदेशाध्यक्ष नितीन गडकरी, सरचिटणीस विनोद तावडे यांनी आमदार विनय नातू आणि गुहागरच्या कार्यकर्त्यांशी चर्चा केली. गुहागर मतदारसंघ कोणत्याही परिस्थितीत भाजपला सोडू नये ही कार्यकर्त्यांची भावना आहे. ही भावना पक्षश्रेष्ठींच्या कानावर टाकण्यात आली, असे विनय नातू यांनी सांगितले.