शहरातील गेंदालाल मिल परिसरात 80 हजार रुपयांचे सोन्याचे दागिने व रोख रक्कम अशा ऐवजासह चार संशयीतांना स्थानिक गुन्हे शाखेने ताब्यात घेतल्याची घटना दि.24 रोजी रात्री उशीरा घडली. गेंदालाल मिल परिसरात आरोपी रमेश कैलास धनगर-पारधी, लखन रमेश धनगर पारधी, रवि कैलास धनगर व संतोष मानसिंग आदिवासी हे संशयीतरित्या फिरत असतांना पोलिस पथकास दिसुन आले. पोलिसांनी त्यांची चौकशी केली असता त्यांच्याकडे सोन्याचे दागिने, सिटीझन कंपनीची एक घड्याळ व तेरा हजार रुपये रोख असा ऐवज संशयास्पदरित्या आढळुन आला. त्यामुळे पोलिसांनी त्यांना ताब्यात घेतले असुन अधिक तपास सुरु आहे. ही कारवाई पोलिस अधिक्षक संतोष रस्तोगी व अप्पर पोलिस अधिक्षक धनंजय कुळकर्णी यांच्या मार्गदर्शनाखाली पो.नि.पातोंड, ए.एस.आय.गिरधर निकम, सुभाष मिस्त्री, अनिल घुले, बशिर शेख, अनिल इंगळे , मिनल साकळीकर, चालक सुरेश पवार यांच्या पथकाने केली.