वॉशिंग्टन, दि. ८ - अल-कायदा या दहशतवादी संघटनेचा एकेकाळचा म्होरक्या ओसामा-बिन-लादेन याचा जावई आणि प्रवक्ताही राहिलेला सुलाईमन अबू घाईथ याला पकडण्यात आले असून, अमेरिकेतील एका अज्ञातस्थळी नेण्यात आल्याचे समजते. सुलाईमनच्या अटकेने अमेरिकेने पुकारलेल्या दहशतवाद विरोधी युध्दाला सुलाईमन अबू घाईथ याच्या अटकेने किंचित बळ मिळाले असून, त्याला न्यूयार्कच्या न्यायालयासमोर सादर केले जाणार आहे. अमेरिकी नागरिकांना ठार मारण्याचा कट रचल्याप्रकरणी त्यावर अनेक आरोप ठेवण्यात येणार आहेत.