लाहोर - पाकिस्तानातील संसद, तसेच प्रांतिक विधिमंडळे 16 मार्चला या एकाच दिवशी बरखास्त करण्यासंदर्भात प्रमुख विरोधी पक्ष "पीएमएल-एन' आणि सत्ताधारी पीपल्स पार्टी यांचे एकमत झाले आहे. संसद आणि प्रांतिक विधिमंडळांच्या निवडणुका एकावेळी व्हाव्यात यादृष्टीने या पक्षांनी हा समझोता केला आहे. पाकिस्तानातील पंजाब प्रांतात सत्तेवर असणाऱ्या "पीएमएल-एन' पक्षाने यापूर्वी विधिमंडळ बरखास्त करण्यास विरोध केला होता.