- नगरविकास विभागाने मंगळवारी राज्यातील 226 नगरपालिका आणि नगरपंचायतींच्या अध्यक्षपदाचे आरक्षण जाहीर केले. हे आरक्षण नगरपालिका, नगरपंचायतीच्या सार्वत्रिक निवडणुकीनंतर लागू होणार आहे. श्रीगोंदा, वणी, श्रीरामपूर, सटाणा, नंदूरबार, अंमळनेर, शिरपूर वरवाडे नगरपरिषदेचे अध्यक्षपद खुल्या प्रवर्गातील महिलांसाठी, तर कोपरगाव (महिला) आणि राहुरी अनुसूचित जाती प्रवर्गासाठी आरक्षित करण्यात आले आहे. नागरिकांच्या मागास प्रवर्गातील महिलांसाठी शहादा नवापूर, सिन्नर, चाळीसगाव, यावल नगरपरिषदेचे अध्यक्षपद आरक्षित झाले. त्र्यंबक, पारोळा, संगमनेर या नगरपरिषदेला नागरिकांच्या मागासप्रवर्गासाठी आरक्षित राहतील. मंत्रालयात नगरविकास राज्यमंत्री भास्कर जाधव, नगरविकास विभागाचे सचिव मनुकुमार श्रीवास्तव यांच्या उपस्थितीत आरक्षण सोडत काढण्यात आली. 87 नगरपरिषदांचे अध्यक्षपद हे खुले राहिले आहे.