- पाकचे गृहमंत्री रहमान मलिक यांनी पुन्हा एकदा भारतावर चिखलफेक केली आहे. पाकच्या अनेक भागात झालेल्या हल्ल्यांमध्ये भारताचा सहभाग असल्याचे पुरावे मिळाल्याचा त्यांचा दावा आहे. भारतासोबत होणार्‍या चर्चेदरम्यान हे पुरावे भारताकडे सोपविण्यात येणार असल्याचेही त्यांनी म्हटले आहे. पाकिस्तानच्या अनेक भागात दहशतवाद्यांकडून मिळालेली शस्त्रे भारतमार्गे अफगाणिस्तान व त्यानंतर पाकिस्तानात दाखल झाली असून, या संदर्भातील पुरावे आपण जमा केल्याचा त्यांचा दावा आहे. पाकिस्तानात घातपात घडवण्यासाठी पाक विरोधी शक्तींची तालिबानला मदत मिळत असल्याचे सांगतानाच त्यांनी या हल्ल्यांना भारत जबाबदार असल्याचा इशारा केला आहे.