- महिला शिक्षक कर्मचार्‍यांना 180 दिवसांची प्रसूति रजा देण्याच्या निर्णयावर राज्य सरकारने शिक्कामोर्तब केले. या निर्णयाचे शिक्षक भारतीचे अध्यक्ष आ. कपिल पाटील यांनी स्वागत केले आहे. महिला शिक्षक कर्मचार्‍यांना सहा महिन्यांची प्रसूति रजा मिळावी, यासाठी शिक्षक भारतीने गेली काही दिवस राज्य सरकारकडे सातत्याने पाठपुरावा केला होता. त्याबाबत अर्थमंत्री सुनील तटकरे यांनी सकारात्मक भूमिका घेतल्यामुळे या निर्णयातील अर्थ खात्याचा अडसर दूर झाला. या निर्णयाबद्दल पाटील यांनी शालेय शिक्षणमंत्री बाळासाहेब थोरात, सचिव संजीवकुमार यांचे अभिनंदन केले आहे. शिक्षक शिक्षकेतर कर्मचार्‍यांचे पगार दरमहा एक तारखेस राष्ट्रीयकृत बँकेमार्फत करण्याची मागणी मान्य करून अर्थमंत्री सुनील तटकरे यांनी दिलासा दिला, अशा शब्दात पाटील यांनी सरकारच्या भूमिकेचे स्वागत केले.