- ग्वाल्हेर एकदिवसीय सामन्यात द्विशतक करणारा मास्टर ब्लास्टर सचिन तेंडुलकर याला आता त्रिशतकाची प्रतीक्षा आहे. जेव्हाही संधी मिळेल तेव्हा आपण त्रिशतक करू, त्या क्षणाची आपणासही प्रतीक्षा आहे, असे सचिनने सांगितले. एकदिवसीय क्रिकेटमध्ये द्विशतक केल्यानंतर सचिनला अजूनही अभिनंदनाचे एसएमएस येत आहेत. तो म्हणाला, क्रिकेटर्सला एकदिवसीय सामन्यात द्विशतक करण्यास दीर्घ कालावधी लागला. त्याबाबत मला अजूनही प्रतिक्रिया मिळत आहेत. आता जेव्हाही संधी मिळेल मी त्रिशतक करेल. त्यासाठी मी कोणतेही आश्वासन देणार नाही, कारण मी मनापासून खेळतो. दोन-तीन पिढ्यांबरोबर मी खेळत आहे आणि देशासाठी चांगली कामगिरी करीत आहे. संघासाठी चांगला खेळाडू बनण्याचे माझे स्वप्न होते; ते पूर्ण झाले आहे.