नायजेरियातील उत्तरेकडील जोस शहरात झालेल्या वांशिक हल्ल्यात 500हून अधिक जण ठार झाले आहेत. ख्रिस्ती आणि मुस्लिम लोकांमधील वांशिक वादामुळे हा हल्ला झाल्याचे अधिकार्‍यांनी सांगितले. यापूर्वी जानेवारीमध्ये झालेल्या वांशिक हल्ल्यात 200 जण ठार झाले होते. रविवारी रात्री 1.30 सुमारास हल्लेखोरांनी हल्ला केल्याचे त्यांनी सांगितले. हल्लेखोरांनी घरांना आणि गाड्यांना आग लावल्याचे राज्याचे मुख्य माहिती अधिकारी ग्रेग एन्लॉग यांनी सांगितले. मृतांची संख्या वाढण्याची शक्यता असल्याचे त्यांनी सांगितले. दरम्यान, नायजेरियाचे हंगामी अध्यक्ष गुडलक जोनाथन यांनी जोस शहरात लष्कर पाठवण्याचे आदेश दिले आहेत. स्थानिक प्रसारमाध्यमांनी या प्रकरणी काही लोकांना अटक केल्याचे वृत्त दिले आहे.