विभागीय क्रीडा स्पर्धेतील दुसर्‍या दिवशी झालेल्या पोहणे स्पर्धेत नगरने 11 सुवर्णपदक पटकाविली तर क्रिकेटमध्ये जळगाव संघाने नगरवर मात करत विजेतेपद पटकाविले. राहुरी येथील कृषी विद्यापीठ येथे विभागीय स्पर्धांचे उद्घाटन पालकमंत्री बबनराव पाचपुते यांच्या हस्ते होणार आहे. नगर महाविद्यालयाच्या मैदानावर झालेल्या क्रिकेट स्पर्धेतील अंतिम सामना नगर व जळगाव यांच्यामध्ये झाला. नगर संघाने 82 धावा 5 गड्याच्या बदल्यात 15 षटकात केल्या. नगरचे कैलास सांळुके-8 ,नितीन सोनवणे-16 धावा केल्या. जळगाव संघाचे नितीन मुंडावर व महेश जाधव हे पायचित झाले त्यानंतर संजय जगताप यांनी आक्रमक खेळी करत नाबाद 39 तर संजय मोहिते यांनी 20 धावा केल्याने जळगाव संघाने सहज विजय मिळविला. दरम्यान चुकीच्या पद्धतीने गडी बाद झाल्याने जळगाव संघाने खेळ बंद केला होता. पोहणे स्पर्धेत नगरने सर्वच जिल्ह्याला मागे टाकत तब्बल 11 सुवर्णपदक पटकाविले. आदिनाथ नन्नवरे यांनी 3 सुवर्ण, बी. डमाळे-1 सुवर्ण, 2 रौप्य, सुरेश आघाव-1 रौप्य, रवींद्र देशमुख-1 कांस्य, व महिलांमध्ये वैशाली हिंगे हिने तब्बल 8 सुवर्ण तर नाशिकच्या नूतन बादंल हिने 8 रौप्यपदक पटकाविले. या स्पर्धेत दोनच महिला उतरल्या होत्या. तसेच नाशिकचे पी. तांबे यंानी एक सुवर्ण, जळगावचे पी. नरखडे यांनी 1 सुवर्ण तर दोन कांस्य, डी. आरद्य गिरे यांनी 1 सुवर्णपदक पटकाविले.