शिर्डी, दि. 5 (प्रतिनिधी)- सन 2009 च्या डिसेंबर महिन्याच्या अखेरच्या 9 दिवसांत शिर्डीच्या साईबाबा संस्थानला 10 कोटी रुपयांची देणगी मिळाली आहे. याबाबत संस्थानतर्फे देण्यात आलेली माहिती अशी की, 23 ते 31 डिसेंबर दरम्यान, मंदिराच्या दानपेटीत 9.9 कोटी रुपये गोळा झाले. 2007 मध्ये या कालावधीत 7 कोटी तर सन 2008 मध्ये 8 कोटी रुपये मिळाले होते. या संस्थानला गेल्या वर्षी 240 कोटी रुपये दान मिळाले आहे. दरम्यान, साईबाबा संस्थानच्या क्षेत्रात पत्रकारांना प्रवेश नाकारण्यात आल्यामुळे नाराजी व्यक्त होत आहे.