अतिक्रमण न काढल्यास फौजदारी गुन्हा

0

शहादा / शहरातील अतिक्रमण स्वखर्चाने तत्काळ काढून घेण्यात यावे, अन्यथा पालिकेमार्फत अतिक्रमण काढण्यात येवून अतिक्रमधणारकांवर फौजदारी गुन्हा दाखल करण्यात येईल.

तसेच अतिक्रमण काढण्याचा खर्च वसुल करण्यात येईल, असा इशारा पालिकेने दिला आहे.

शहरातील सर्वत्र मोठया प्रमाणात अतिक्रमण करण्यात आले आहे.

अतिक्रमणामुळे वाहतुकीसह कायदा व सुव्यवस्थेचा प्रश्न निर्माण होत आहे. दोंडाईचा रोड, विश्रामगृह चौक, पं.स. समिती बसस्थानक परिसर, महात्मा गांधी पुतळा, नगरपालिका, भाजी मंडई, इंदिरा मार्केट, डोंगरगाव रोड, खेतीयारोड पाडळदा चौफुली, कुकडेल भागात पक्के तसेच लोखंडी टपरी ठेवून जागोजागी अतिक्रमण करण्यात आले आहे.

पालिका प्रशासनाने गतवर्षी जिल्हाधिकार्‍यांच्या आदेशानुसार शहरातील भाजी मंडई, बसस्थानक परिसरातील अतिक्रमण काढले होते.

मात्र काही दिवसानंतर ते जैसे थे झाले आहे. अतिक्रमण हटविण्यावर पालिकेने जेसीबी यंत्रासह मोठे मनुष्यबळ व पोलीस बंदोबस्त घेवून लाखो रूपखे खर्च करीत कोहिम राबवली होती मात्र या मोहिमेवर केेलेला खर्च वाया गेला आहे.

तद्नंतर जैसे थे परिस्थिती झाल्याने वाहतुकीची गंभीर समस्या निर्माण झाली आहे.

पालिका प्रशासनाने पुन्हा दोंडाईचारोड, बसस्थानक परिसर, भाजी मंडई आदी भागातील सुमारे 100 पेक्षा अधिक अतिक्रमणधारकांना नोटीस बजावली आहे.

त्यात तत्काळ स्वखर्चाने अतिक्रमण काढून घेण्याविषयी सुचित करण्यात आले आहे. अतिक्रमण न काढल्यास अतिक्रमणधारकांकडून खर्च वसुल करण्यात येईल तसेच कायदेशीर फौजदारी गुन्हा दाखल करण्यात येईल.

असे नोटीशीत नमूद करण्यात आले आहे. पालिका प्रशासनाने अतिक्रमणधारकांच्या विरोधात घेतलेल्या भुमिकेने खळबळ उडाली आहे.

LEAVE A REPLY

*