शेतकरी कर्जमुक्त होईपर्यंत शिवसेना गप्प बसणार नाही

0
वैजाली ता. शहादा / महाराष्ट्रातील शेतकरी दररोज आत्महत्या करत असतांना त्यांना कर्जमाफी नाही. जोपर्यंत शेतकरी कर्जमुक्त होत नाही. तोपर्यंत शिवसेना गप्प बसणार नाही त्याचाच एक भाग म्हणून नंदुरबार जिल्हा शिवसेनेच्या वतीने मी कर्जमुक्त होणारच अशा आशयाचे छापील फार्म भरण्याचे काम ग्रामीण भागात सुरू असून वैजाली व परिसरात पदाधिकार्‍यांनी गावागावातील शेतकर्‍यांनी प्रत्यक्ष संवाद साधून फार्म भरले.
यावेळी नंदुरबार जिल्हा शिवसेनाप्रमुख विक्रांत मोरे, तालुकाप्रमुख मधुकर मिस्तरी, शहादा शहर माजी प्रमुख सुरेश मोरे यांच्यासह पदाधिकारी व शेतकरी मोइया संख्येने उपस्थित होते.

यावेळी मार्गदर्शन करतांना जिल्हाप्रमुख डॉ.विक्रांत मोरे म्हणाले की, शेतकरी कर्ज मुक्त झाला पाहिजे. या भावनेतून शिवसेनेचे पक्ष प्रमुख उध्दव ठाकरे यांनी नाशिकला कृषी अधिवेशन घेवून शिवेसनेच्या पदाधिकार्‍यांना गावागावात जावून कर्जमुक्तच्या संदर्भात जागर पेटवून शेतकर्‍यांना दिलासा देण्याचे सांगितले.

त्याचाच एक भाग म्हणून जिल्ह्यातील प्रत्येक गावातील शेतकर्‍यांकडून मी कर्जमुक्त होणारच या प्रकारचे शेतकरी संपर्क अभियान सुरू आहे.

मुख्यमंत्री ना.देवेंद्र फडणवीस यांना शेतकर्‍यांवतीने लाखो पत्र पाठविण्याचीही त्यांनी सांगितले. वैजाली परिसरातील तर्‍हाडी, परिवर्धे, सोनवलतर्फे बोरद, वैजाली, नांदर्डे आदी गावातील शेतकर्‍यांशी संवाद साधत शिवसेनेच्या पदाधिकार्‍यांनी कर्जमाफीचे फार्म भरून घेतले.

यावेळी असलेल्या शेतकर्‍यांनी शिवसेनेचे जिल्हाप्रमुख डॉ.विक्रांत मोरे यांच्यासह दररोजचे होणारे भारनियमन व वीजेच्या समस्याबाबत तक्रार मांडल्या असता.

त्यांनी वीज वितरण कंपनीच्या संबंधीत अधिकार्‍यांशी मोबाईलवरून संपर्क साधून परिसरात नियमीत वीजपुरवठा सुरळीत करण्याची मागणी केली. अन्यथा वीज वितरण कंपनी कार्यालयावर आंदोलन छेडण्याचा इशारा दिला.

LEAVE A REPLY

*