दर्शनाला ग्रहण

0
जळगाव । दि.7 । प्रतिनिधी-नारळी पौर्णिमा, रक्षाबंधन व ख्रगास चंद्रग्रहण एकाच दिवशी आल्याने संभ्रमाची स्थिती निर्माण झाली होती. श्रावण सोमवारी खग्रास चंद्रग्रहण असल्याने शहरातील ओंकारेश्वर मंदिरात मंदिर संस्थानतर्फे एलईडी स्क्रिनवर भाविकांसाठी दर्शनाची सोय उपलब्ध करून देण्यात आली.
श्रावण सोमवार निमित्त ओंकारेश्वर मंदिरात भाविकांची सकाळपासून गर्दी होती. भाविकांच्या दर्शनार्थ पहाटे 4.30 वाजेपासून मंदिर खुले करण्यात आले होते.

सकाळी 8 ते 12 या वेळेत रुद्राभिषेक पुजन, एकोदष्णी अभिषेक पुजन व लघुरुद्र अभिषेक पुजनाचा कार्यक्रम झाला. त्यानंतर दुग्ध प्रसाद वितरणाचे आयोजन करण्यात आले.

श्रावण सोमवार खग्रास चंद्रग्रहण असल्यामुळे व ग्रहणाचे वेद दुपारी 1 वाजेपासून लागल्याने व ग्रहणपर्व काळ रात्री 1 वाजेपर्यंत असल्याने मंदिराच्या गर्भगृहाचे पट भाविकांसाठी जिल्हयात प्रथमच 12 बाय 8 च्या एलइडी एचडी स्क्रिनवर भगवान ओकारेश्वरांच्या दर्शनाचा चलचित्राद्वारे भक्तांना दर्शनाची सोय उपलब्ध करून देण्यात आली.

तसेच ग्रहण काळ पर्वामध्ये तिर्थ प्रसाद घेणे निषिध्द असल्यामुळे प्रसादाचे देखील वितरण करण्यात आले नाही. तसेच रात्री श्री सत्संग भजन मंडळ यांच्याकडून ग्रहण पर्वात पुण्यफळ प्राप्तीसाठी सुश्राव्य भजनाच्या कार्यक्रमाचे आयोजन करण्यात आले होते. रात्री उशिरापर्यंत भविकांनी एलईडी स्क्रिनवर दर्शनाचा लाभ घेतला.

 

LEAVE A REPLY

*