कट मारल्याने बस चालकाचा पाठलाग रावेर- सुरत बसचे प्रवासी दोन तास ताटकळले : चौकशीची मागणी

0
योगेश पाटील |पारोळा :  रावेर सुरत बस अमळनेर चोपडा रोडवर धावत असतांना समोरुन येणार्‍या अज्ञात बसने धडक मारल्याने बसचा साईड ग्लास तुटल्याने चालकाने चक्क बस सोडून दुसर्‍या बसमध्ये बसुन कट मारलेल्या बसचा पाठलाग करीत बस बेवारस सोडून प्रवाश्यांना चक्क दोन तास ताटकळत बसविल्याची घटना मंगळवारी दुपारी घडली.

सकाळी ९ वाजता रावेर आगारातून निघाली रावेर सुरत बस क्र.एम एच २०- ३३९७ ही अमळनेर व्हाया जात असवतांना समोरुन येणारी बसने कट मारुन चालक साईडच्या दोघं बसेसचा साईड ग्लास तुटल्याने रावेर- सुरत बसच्या चालकाने बस सोडून दुसर्‍या बसमध्ये बसुन कट मारणार्‍या बसचा पाठलाग सुरु केला.

प्रवाशी व बस सोडून चालक बी के बहीरे यांनी यांनी बस सोडून पाठलाग केल्याने सर्व प्रवासी भर उन्हात बसमध्ये घामाघुम होवून घुटमळत होते.

बसमधील प्रवाश्यांनी रावेर आगारातील प्रमुख चौधरी यांच्याशी संपर्क साधला असता त्यांनीही उडवा उडवीचे उत्तरे दिल्याने प्रवाशी हवालदिल होवून प्रवासी झाडाच्या सावलीखाली येवुन बसले.

दिड तास झाला तरी चालक बहीरे येत नसल्याने प्रवासी संतापले. बसचालकाने बसला धडक दिल्याने फक्त साईड ग्लास तुटल्याने रावेर-सुरत बसचा चालक बस व प्रवाशी सोडून बसचा पाठलाग करुन काय साध्य करणार होता? याबाबत प्रवाश्यांमध्ये चर्चा होत होती.

एवढ्या वेळेत प्रवाश्यांना उन्हाचा त्रास सहन करावा लागला फलीत मात्र काहीच निघाले नाही. डेपोत गेल्यावर बोलू असे समोरच्या बसचालकाने सांगितले.

या चालकाची चौकशीची मागणी प्रवाश्यांनी केली असुन काय कारवाई होते याकडे लक्ष लागुन आहे.

LEAVE A REPLY

*