भडगाव तालुक्यात विजेची समस्या आमदारांचे आज विधानभवनासमोर आंदोलन

0
भडगाव |  प्रतिनिधी :  तालुक्यातील वीज प्रश्न सुटत नसल्याने आमदार किशोर पाटील हे आज दि ३१ रोजी वीज समस्याच्या विविध मागण्यासाठी विधान भवनाच्या पायर्‍यांवंर उपोषणाला बसणार आहेत. यात तालुक्यासाठी १३२ के.व्ही. वीज सबस्टेशन मंजुर करण्यात यावी ही त्यांची प्रमुख मागणी आहे.

आमदारांच्या या मागणीला बळकट पाठींबा म्हणून तालुका व शहर शिवसेनाही ऐनवेळी मैदानात उतरून भडगाव येथे आंदोलन करणार आहे .

विजसमस्यांमुळे मागे पडलेला भडगाव तालुक्यात १३२ के.व्ही. वीज सबस्टेशन नसल्याने काही वर्षापासुन वीजेचा प्रश्न गंभीर बनला आहेत. १३२ केव्ही नसलेला महाराष्ट्रात हा एकमेव तालुका आहे .

त्यामुळे तालुक्यात १३२ के.व्ही. सबस्टेशन कार्यान्वीत व्हावे अशी तालुक्यातील जनतेची मागणी आहे. त्यानुसार २००९ मधे यासंदर्भात प्रस्ताव पाठविण्यात आला. २०१० सबस्टेशनला मंजुरी देण्यात आली. महसूल विभागाकडून कोठली शिवारातील १० एकर जागाही वीज कंपनीने रक्कम भरून ताब्यात घेतली. त्याचा उतारा नावे लागला असून जागा हस्तांतरण पूर्ण झाले आहे .

मात्र प्रत्यक्षात सबस्टेशनच्या कामाबाबत वीज कंपनी कमालीचे दुर्लक्ष करत आहे. आमदार किशोर पाटील यांनी या विषयाचा पाठपुरावा करत आतापर्यंत विविध अधिकारी व पदाधिकार्‍यांसह मुबंईला ८ बैठका घेतल्या आहेत.

मात्र तरीही १३२ के.व्ही. सबस्टेशन बाबत वीज कंपनीचे अधिकारी व मंत्री हालचाल करायला तयार नाहीत. वारंवार दुर्लक्ष होत आहे .
या दरम्यान अनेक अधिकारी बदलून गेलेत

तालुक्यात सबस्टेशन नसल्याने मोठे उद्योग भडगावात येत नाही . शिवाय शेतकर्‍यांना पुरेसे होल्टेज मिळत नाही. त्यामुळे कोणताही कृषी उद्योग निर्माण झाला नाही , एमआयडीसी ला ही वीज चालना मिळणे अडथळ्यांचे होत आहे . शासकीय कार्यालये व अनेक ऑङ्गिस वीज समस्ये मुळे कित्येक वेळा बंद असतात .

उपकरण जळुन आर्थिक नुकसान होतेच शिवाय पिकांना पाण्याचे आवर्तन द्यायला अडचण येते. त्यामुळे तालुक्यात १३२ के.व्ही. सबस्टेशन होणे आवश्यक आहे. शिवाय वीज तार ही जिर्ण झाल्याने मोठे अपघात होतात. त्यामुळे जिर्ण तार ही बदलविण्यात यावेत. कर्मचार्‍यां रिक्त जागा भरण्यात याव्यात. आदि मागण्या आमदारांनी केल्या आहेत .

यासाठी तालुक्यातील अनेक लोकांनीही मागणी केली असून आमदार किशोर पाटील यांचा जोरदार पाठपुरावा सुरू आहे . या मागणीच्या पुर्ततेसाठी आमदार किशोर पाटील आज पासुन विधानभवनाच्या पायर्‍यांवंर वीज कंपनीच्या विरोधात उपोषणाला बसणार आहेत. तर त्यांना पाठींबा म्हणून तालुक्यात ही शिवसेनेच्या वतीने तालुक्यात विविध ठिकाणी आदोलंनाची आखणी करण्यात येणार आहे.

सबस्टेशनचा प्रश्न मार्गी लागावा

महाराष्ट्रतला भडगाव असा एकमेव तालुका असावा की तेथे अद्याप वीजेचे सबस्टेशन नाही. सबस्टेशन नसल्याने तालुक्याला पाचोरा, चाळीसगाव, पारोळा तालुक्यातील १३२ के.व्ही. सबस्टेशनवरून वीज पुरवठा होतो. त्यांचे अंतर जास्त असल्याने लॉसेस होण्याचे प्रमाण अधिक होते. पर्यायाने कमी दाबाने वीज मिळत असते.

त्यामुळे तालुक्याचा वीज प्रश्न निकाली काढण्यासाठी १३२ के.व्ही. सबस्टेशन होणे हाच पर्याय आहे. हाच मुद्दा घेऊन आमदार पाटील यांनी उपोषणाचा मार्ग अवलंबला आहे. त्यामुळे हा प्रश्न मार्गी लागण्याची तालुकावासीयांना अपेक्षा आहे.

विज समस्येसाठी आंदोलन करणार

तालुक्यातील वीज समस्या अत्यंत बिकट झाली आहे . आजच्या विकास चक्राला ती बाधा ठरत आहे . तारा जीर्ण आहेत , शिवाय तालुक्यात १३२ केव्ही चे सुबस्टेशन नाही ते होण्या साठी वारंवार पाठपुरावा सुरू होता संबंधित लोकांना अनेक वेळा मागणी केली . विषय मार्गी लागत नसल्याने विधानभवनाच्या पायर्‍यांवर भडगाव च्या वीज समस्येसाठी नाईलाजाने आंदोलन करणार आहे .
– आ.किशोर पाटील

LEAVE A REPLY

*