फैजपुरच्या ध.ना.महाविद्यालयाचे डॉ.एन.एल.चव्हाण उत्कृष्ठ केंद्रसंचालक : नाशिकच्या यशवंतराव चव्हाण महाराष्ट्र मुक्त विद्यापीठातर्फे गौरव

0
फैजपूर, ता. यावल |  वार्ताहर : येथील तापी परिसर विद्या मंडळ संचलित धनाजी नाना महाविद्यालयात अर्थशास्त्र विषयाचे सहयोगी प्राध्यापक डॉ.एन.एल.चव्हाण यांचा यशवंतराव चव्हाण महाराष्ट्र मुक्त विद्यापीठ, नाशिकच्यावतीने मुक्तविद्यापीठाच्या एककाचे उत्कृष्ट केंद्रसंचालक म्हणून कुलगुरू प्रा.डॉ.ई.वायुनंदन यांच्या शुभहस्ते सत्कार करण्यात आला.

‘ज्ञानगंगा घरोघरी’ हे ब्रीद घेवून वंचीतांसाठी ज्ञानगंगोत्री पोहचविणारे विद्यापीठ म्हणून मुक्त विद्यापीठ, नाशिक याकडे पाहिले जाते. फैजपूरच्या ४० एकरमधील प्रशस्त नियमीत कला, वाणिज्य आणि विज्ञान पदवी व पदवीत्तर अभ्यासक्रमासोबतच प्रतिमहाविद्यालय म्हणून मुक्तविद्यापीठाचे एकक असणार्‍यांसाठी प्रा.डॉ.एन.एल.चव्हाण यांच्या कुशल नेतृत्वाखाली मुक्त विद्यापीठाने नवा आयाम प्रस्थापित केला.

सुमारे हजार विद्यार्थी संख्या असणार्‍या एककात विविध अभ्यासक्रमासाठी प्रवेश दिले जातात. अत्यंत शिस्तबध्द प्रवेशप्रक्रिया, नियमीत सरावपरीक्षा, संदर्भग्रंथ आणि कडक परिक्षा यामुळे महाविद्यलयातील केंद्राची ख्याती आहे. डॉ.एन.एल.चव्हाण यांनी अर्थशास्त्र विषयाचे २३ पुस्तके लिहली आहेत.

वक्तशीर प्राध्यापक, अभ्यासू व्यक्तीमत्व आणि शिस्तप्रिय प्रशासक म्हणून ख्याती असलेल्या डॉ.एन.एल.चव्हाण यांचा गौरव तापी परिसर विद्या मंडळ, फैजपूर संचलीत धनाजी नाना महाविद्यालयास आणि मधुस्नेह परिवारासाठी खूपच अभिमानास्पद बाब आहे. या गौरवाबद्दल संस्थेचे अध्यक्ष शिरीषदादा मधुकरराव चौधरी, उपाध्यक्ष प्रा.डॉ.एस.के.चौधरी, उपाध्यक्ष दामोदर हरी पाटील, चेअरमन लिलाधर चौधरी, व्हा.चेअरमन प्रा.के.आर.चौधरी, सचिव, प्रा.एम.फिरके, सहसचिव प्रा.मेजर एस.एम.चौधरी, सदस्य, प्रा.पी.एच.राणे, मिलींद वाघुळदे, प्राचार्य प्रा.डॉ.बी.आर.चौधरी, उपप्राचार्य प्रा.ए.जी.सरादे, उपप्राचार्य प्रा.डॉ.डी.बी.तायडे, उपप्राचार्य डॉ.ए.आय.भंगाळे, उपप्राचार्य डॉ.उदय जगताप, सर्व सन्माननीय प्राध्यापक, शिक्षकेत्तर कर्मचारी व विद्यार्थ्यांनी अभिनंदन केले.

कुलगुरू प्रा.डॉ.ई.वायुनंदन, डॉ.अर्जुन पाटुळे, डॉ.प्रकाश मतकरे, डॉ.दिनेश भोंडे, डॉ.प्रकाश देशमुख, व श्रीमतही निलिमाताई यांच्या प्रमुख उपस्थितीत सत्कार स्विकारल्यानंतर प्रा.डॉ.एन.एल.चव्हाण यांनी सारे श्रेय संस्था पदाधिकारी, व्यवस्थापन प्राचार्य डॉ.पी.आर.चौधरी व प्रशासन आणि सहकारी यांनी देवून महाविद्यालयाच्या गौरवात भर टाकू शकल्याबद्दल समाधान व्यक्त केले.

यापुढेही विविध अभ्यासक्रम सुरू करून शैक्षणिक सुविधा देण्याचा संकल्प असल्याचे त्यांनी सांगितले.

LEAVE A REPLY

*