जिल्ह्यात 24 तासात मुसळधार पावसाचा अंदाज

0
जळगाव । दि.14 । प्रतिनिधी-जिल्ह्यात काल दि. 13 रोजी 295 मिमी पाऊस झाल्याची नोंद प्रशासनातर्फे करण्यात आली आहे. दरम्यान येत्या 24 तासात मुसळधार पाऊस होण्याची शक्यता हवामान खात्याने वर्तविली असल्याची माहीती सुत्रांनी दिली.
जिल्ह्यात गेल्या 20 दिवसांपासुन पावसाने दडी मारली होती. परंतु गेल्या दोन दिवसांपासुन जिल्ह्यात पाऊस पुन्हा परतला आहे.

काल दि. 13 रोजी जळगाव तालुक्यात 4.7 मिमी, जामनेर 27.9, एरंडोल 29.5, धरणगाव 7.8, भुसावळ 8.0, यावल 36.7, रावेर 26.1, मुक्ताईनगर 15.8, बोदवड 2.3, पाचोरा 43.1, चाळीसगाव 19.4, भडगाव 23.0, अमळनेर 3.6, पारोळा 41.0, चोपडा 6.9 असा एकुण 295 मिमी पाऊस झाल्याची नोंद करण्यात आली आहे.
मोठ्या प्रकल्पांमध्ये 30 टक्के पाणीसाठा

जिल्ह्यातील हतनुर धरणात 6.82 टक्के, गिरणा 25.93, वाघुर धरणात 62.66 असा एकुण 30.07 टक्के पाणीसाठा आहे.

मध्यम प्रकल्पांमध्ये अभोरा धरणात 55.92, मंगरूळ 61.03, सुकी 54.47, मोर 44.74, तोंडापुर 20.20, बहुळा 0.17, गुळ 5.08 टक्के तर अंजनी, भोकरबारी, बोरी, मन्याड, हिवरा, अग्नावती या धरणांमध्ये शुन्य टक्के पाणीसाठा आहे.

अमळनेरमध्ये टँकर वाढले
जिल्ह्यात भर पावसाळ्यातही टँकरने पाणीपुरवठा केला जात आहे. यात अमळनेर तालुक्यात टँकरची संख्या वाढली असुन तालुक्यातील 34 गावात 14 टँकरद्वारे पाणीपुरवठा केला जात आहे. जळगाव,भुसावळ, बोदवड तालुक्यात प्रत्येकी एक, जामनेर तालुक्यात 5, मुक्ताईनगर आणि पारोळा तालुक्यात 2 टँकरद्वारे पाणी पुरवठा केला जात आहे.

 

LEAVE A REPLY

*