पाचोरा येथे स्वच्छ महाराष्ट्र अभियान राज्यस्तरीय समितीची भेट

0
पाचोरा | प्रतिनिधी :  पाचोरा नगरपरिषदेत स्वच्छ महाराष्ट्र अभियानाअंतर्गत राज्यस्तरीय समितीने भेट दिली.पुर्वी उघडयावर शौचालयांस बसण्याची ठिकाणे शासनाचे वैयक्तीक शौचालय योजनेअंतर्गत बांधलेली अनेक शौचालये, पैसे द्या वापर करा या तत्वावर बांधलेली शौचालय व सार्वजनीक शौचालयांची पाहणी केली.
त्यात राजेंद्र चव्हाण, उपसंचालक विभागीय आयुक्त पुणे, नंदकिशोर बुराडे, जिल्हा प्रशासन अधिकारी, ठाणे, सुनिल पाटील, वरिष्ठ पत्रकार, धुळे यांनी पाचोरा शहरात २७ व २८ एप्रिल रोजी पाहणी केली

पाचोरा न.पा.हद्दीतील सन २०११ च्या जनगणनेनूसार एकूण १३३३ कुटूंबांकडे शौचालये नव्हती सर्वेक्षाणानंतर १५०० कुटूंबाकडे शौचालय नव्हती. पाचोरा नगरपरिषदेने आज पावेतो योजनेअंतर्गत १३९२ कुटूंब पात्र ठरवून अनुदानाचा पहिला हफ्ता वितरीत केलेला आहे.

बांधकामाचे प्रत्येक टप्प्यानूसार अनुदानाचे वाटप करण्यात येत आहे. आज पावेतो १००६ शौचालांचे बांधकाम पुर्ण होऊन त्यांचा वापर सुरु झालेला आहे.

वैयक्तीक शौचालयांची बांधकाम पूर्ण झालेल्या भागाची पाहणी केली असता विवेकानंद नगर, वंजारवाडी, भवानी नगर, मिलींद नगर, भारतीया नगर, रसुल नगर, आठवडे बाजार, कृष्णापुरी श्रीराम नगर, श्रीकृष्ण नगर, त्रंबकनगर, स्मशानभुमी पारिसर या ठिकाणांची पाहणी केली असता पाचोरा शहरात एकूण ३० ठिकाणी सार्व.शौचालय युनिट उपलब्ध असून त्यापैकी १६ युनिट खाजगी एजन्सीद्वारे पे एड युज तत्वावर चालविण्यात येत आहे.

त्यात न.पा.चा कुठलाही खर्च न करता बांधण्यात आली आहे. अशा प्रकारे एकूण २७२ पुरुषांसाठी ११७, स्त्रीयांसाठी १५५ सिटस पब्लीक टॉयलेट उपलब्ध आहे. त्याठिकाणी विज, पुरेसे पाणी उपलब्ध करुन देण्यात आलेले आहे.

सद्यास्थित शासनाच्या रमाई घरकुल योजनेअंतर्गत दारीद्र रेषेखालील कुटूंबांसाठी १६४ घरे मा.पंतप्रधान आवास योजनेअंतर्गत १०० ते १५० घरकुले प्रस्तावीत असल्याने त्या घरकुलात घरकुले प्रस्तावीत असल्याने ३५० ते ४०० कुटूंबांना सदर लाभ मिळणार आहे.

शहरातील जुन्या जिर्ण व निकामी शौचालयांचे १० नविन ठिकाणी शौचालय युनीट प्रस्तावीत असून त्यात २०० ते २३० सार्व.शौचालयांची व्यवस्था होणार आहे.

या व्यतिरीक्त बस स्टॅड परिसरात पुरुषांचेसाठी ५ सिटस स्त्रियांसाठी ३ सिटस शौचालय उपलब्ध करुन देण्यात आलेले आहेत. त्याच प्रमाणे रेल्वे स्थानक परिसराशेजारी पुरुषांचेसाठी ५ सिटस स्त्रियांसाठी २ सिटस शौचालय उपलब्ध करुन देण्यात आलेले आहेत.

शहरातील सर्व शासकिय निमशासकिय कार्यालय तसेच खाजगी दवाखाने, प्राथमीक शाळा, महाविद्यालय यांना स्वच्छ महाराष्ट्र अभियानाअंतर्गत पुरेशी शौचालये बांधणे तसेच अस्तीत्वात असलेल्या शौचालय दुरुस्ती व देखभाल चांगली होत असल्याचे निदर्शनास आणून दिल्याने ती ठिकाणे आता स्वच्छ आहेत याबाबत खात्री करण्यात आली.

तसेच गुडमॉर्नींग पथकाद्वारे दैनंदीन स्वरुपात जनजागृती करीत असतांना एकूण ४६ नागरीकांवर दंडात्मक कार्यवाही करण्यात आल्याने शहरातील वंजारवाडी, पुनगांव रोड, भवानी नगर, गौंड वस्ती, संभाजी नगर, सम्राट अशोक नगर, स्मशानभुमी परिसर, आठवडे बाजार, अशी महत्वाच्या ७ ठिकाणी तपासणी केली असता कोणीही शौचालय बसल्याचे आढळून आलेले नाही.

या व्यतिरीक्त नव्याने ५ शौचालय युनिटचे बांधकाम नव्याने लवकरच करण्यात येत असल्याचे मुख्याधिकारी यांनी समितीस सांगीतले.

यावेळी समिती सदस्यांनी शहरातील पुर्वी उघडयावर बसणार्‍या नागरीकांशी चर्चा विनीमय करुन उघडयावर बसणे आरोग्याच्या दृष्टीने घातक असल्याबाबत सुचना दिल्या व इतर परिसरात माहीती घेतली.

उघडयावर शौचालयांस जाणार्‍यांची संख्या पुर्णपणे बंद झाल्याची खात्री झाल्याने शहर शास्त्रोक्तरित्या कायम स्वरुपी हगणदारी मुक्त झाल्याचे घोषीत करण्यात आल्याचे समाधान व्यकत करुन मुख्याधिकारी किरण देशमुख व त्यांचे अधिनस्त सर्व कर्मचारी वर्गाचे अभिनंदन केले.

याप्रसंगी मुख्याधिकारी किरण देशमुख, प्रशासन अधिकारी प्रकाश भोसले, आरोग्य निरीक्षक, धनराज पाटील, मिळकत व्यवस्थापक साईदास जाधव, सहा.आरोग्य निरीक्षक उल्हास पाटील, पाणीपुरवठा अभियंता अमोल चौधरी, न.पा.कर्मचारी अनिल मेघराज पाटील, राजेंद्र शिंपी, सुधिर पाटील, ललित सोनार, भिकन गायकवाड,दत्तात्रय पाटील, किशोर मराठे, वाल्मिक पाटील, सुनील चव्हाण, अरुण गायकवाड, देवीदास देहडे, बापू ब्राम्हणे, विनोद सोनवणे, निळकंठ ब्राम्हणे, प्रविण ब्राम्हणे, सुरेश पाटील आदी कर्मचारी उपस्थित होते.

LEAVE A REPLY

*