7/12 कोरा करणारच !

पारोळा । दि.12 । श.प्र-राज्यातील शेतकर्‍यांना कर्जमाफी करण्याची घोषणा होवुन महिना उलटला पण प्रत्यक्षात एक हि शेतकर्‍याला याचा लाभ झाला नसुन शेतकर्‍यांना नुसती कर्ज माफी नको तर सात बारा कोरा झाला पाहिजे.
माझ्या महाराष्ट्रातील शेतकर्‍यांचा मला अभिमान आहे. शेतकर्‍यांनी संप पुकारला त्या काळात काय परिस्थीती होती हे दाखवुन दिल आहे.
शेतकरी आणि शिवसेनेने ह्या सरकारला कर्ज मुक्तची घोषणा करायला लावली आहे. यांचे समाधान आहे पण हे कागदा वरच आहे. तत्वता आहे, औशत आहे.
सरसकट कर्ज मुक्त झालेला नसल्याने प्रतिपादन शिवसेना पक्ष प्रमुख उद्धवजी ठाकरे यांनी केले. पारोळा येथील हरिनाथ मंगल कार्यालयात आयोजीत शेतकरी मेळाव्यात ते बोलत होते.

व्यासपीठावर सहकार मंत्री गुलाबराव पाटील, खा. चंद्रकांत खैरे, आ. निलम गोरे, रामदास कदम, आ. किशोर पाटील, संपर्क प्रमुख रविंद्र मिर्लेकर, मा. आ. आर. ओ. पाटील, मा. आ. चिमणराव पाटील, जिल्हा प्रमुख गुलाबराव वाघ, कृषी उत्पन्न बाजार समिती सभापती अमोल पाटील, जि.प.सदस्य डॉ.हर्षल माने, ज्ञानेश्वर आमले, आदि उपस्थित होते.

ठाकरे शैलित पक्षप्रमुख उद्धवजी ठाकरे म्हणाले की, मी तुम्हाला भडकवायला किवा आग लावायला नाही आलोय शेतकर्‍याला मन आहे की नाही हेच ज्याला कळत नाही तेच जर राज्य करणार असतील तर तुम्हाला न्याय मिळणार कसा मन कि बात मधुन त्यांनी त्यांच्या मन कि बात सांगायची पण तुमच्या मनातल मन कि बात ऐकणार कोण? अशी मन की बात ची खिल्ली उडवित पहिले माझ्या शेतकर्‍याला वाचवा त्याला पहिले दहा हजार रुपयांची मदत द्या.

आज संपुर्ण महाराष्ट्रात पाऊस नसल्याने दुबार पेरणीचे संकट कोसळल मी मुख्यमंत्री बोलतोय म्हणजे तुम्ही बोलायचं आणि आम्ही ऐकायच का? असा मुख्यमंत्री देवेंद्र फडणवीस यांना चिमटा काढीत लवकरात लवकर शेतकर्‍यांना कर्जमुक्त करा नाहीतर तुमचा ढोल आम्ही वाजविल्या शिवाय राहणार नाही.

सारं जग बघतंय की तुम्ही काय करताय सगळे ओके शिवसेनेने आपल्या अंगावर घ्याचे आणि मजा तुम्ही मारायची? हिंदुत्ववादी सरकार आहे. सैन्य आहे. पालिस आहे. तरी हि अमरनाथ यात्रेवर हल्ला होतोय संकट आल की बाळासाहेब ठाकरे आठवतात का? असा चिमटा घेत पंतप्रधान नरेंद्रजी मोदी यांनी नोटाबंदी करुन काय साध्य केले हो?
नोटाबंदीमुळे सर्वसामान्य नागरीक, शेतकरी यांना बँकेच्या बाहेर तासंनतास रांगा लावाव्या लागल्या काँग्रेस आणि राष्ट्रवादी कॉग्रेस आमच्यावर दोन तोंडी गांडुळ असल्याचा आरोप करताय हो आरे आम्ही दोन तोंडी गांडुळ कारण गांडुळ हा शेतकर्‍यांचा खरा मित्र असुन म्हणुन शिवसेना शेतकर्‍यांच्या हितासाठी लढतेय तुमच्या सारखा करंटा नाही.

अजित पवारांची खिल्ली उडवित धरणात लघुशंका करताय का? असा टोमना मारीत राष्ट्रवादी कॉग्रेस व कॉग्रेसवर सडाहुन टिका करीत शेतकर्‍यांच्या पिकांना हमी भाव दिला असता तर हि नौबत आलीच नसती असे सांगुन शेतकर्‍यांना 10 हजार रुपयांची मदत द्या माझ्या शेतकर्‍यांना ताबडतोब मदत द्या कर्ज मुक्त करणार असे आश्वासन सरकार देतय नाही आम्ही कर्ज मुक्त करुन घेणार असा टोला मारीत शेतकर्‍याला काय पाहिजे हे मला कळत म्हणुन मी महाराष्ट्र भर फिरतोय मा. आ. चिमणराव पाटील कडे बघुन एक आमदार येथुन आला असता तर आवाज बुलंद झाला असता असे म्हणताच टाळ्यांचा कडकडाट झाला.

तर मा. आ. चिमणराव पाटील म्हणाले की, शेतकर्‍यांना सरसकट कर्जमाफी झालीच पाहिजे असे सांगितले यावेळी हरीनाथ मंगल कार्यालय फुल्ल भरलेले होते. कार्यकर्ते जय भवानी जय शिवाजीच्या घोषणांनी परिसर दुमदुमुन गेलेला होता. सभा यशस्वीतेसाठी पी. ए. पाटील, प्रविण बिरारी, नंदु पाटील, तालुकाप्रमुख पाटील सर, शिवसैनिक पदाधिकारी कार्यकर्ते यांनी परिश्रम घेतले.

 

LEAVE A REPLY

*