कळमसरे येथील शिक्षक बदली प्रकरणी विद्यार्थी,पालकांसह ग्रामस्थांचे उपोषण

0
कळमसरे, ता.अमळनेर | वार्ताहर : येथील शारदा माध्यमिक विद्यालयातील बी.ए.डी.एड.शिक्षक एस.एफ.पावरा यांची संस्थाअंतर्गत बेकायदेशीर सेवा जेष्ठतेचा निकम न लावता बदली केल्याप्रकरणी  आज दि.२७ जून रोजी विद्यार्थी पालक हे शाळेच्या गेटसमोर उपोषणास बसणार आहे, असे लेखी निवेदनाद्वारे कळविले आहे.

एस.एफ.पावरा यांची बदली झाल्याची विद्यार्थ्यांना माहिती मिळताच दि.२० जून रोजी विद्यार्थ्यांनी ठिय्या आंदोलन केले. व २४ जून पर्यंत शाळा बंद राहील अशी घोषणा केली.

पालक व संचालक, मुख्याध्यापक यांच्यात बैठक होवून संस्थेचे चेअरमन हे २४ तारखेला बाहेर गावाहून आल्यानंतर २४ तारखेला मिटींग होवून पावरा सरांची बदली रद्द केली जाईल व त्यांना २४ पर्यंत या शाळेतच ठेवले जाईल, असे सांगितले. यावेळी संचालक यादव किसन चौधरी, दिपचंद इंदरचंद छाजेड, योगेंद्र रामसिंग पाटील, प्रशासन अधिकारी जी.टी.टाक, माजी उपसरपंच पिंटु राजपूत, पत्रकार बाबुलाल पाटील, गजानन पाटील यांच्या उपस्थितीत सांगितले.

दि.२४ जून रोजी पालक व विद्यार्थी शाळेत गेले असता एकही संचालक शाळेत नव्हते. मुख्याध्यापक यांनी खासगी कामानिमित्त रजा टाकली होती. प्रशासन अधिकारी जी.टी.टाक हेही अनुपस्थितीत होते.

क्लार्क मगन पाटील यांनी सांगितले कि दि.२५ व २६ जून शाळेला सुटी असल्याने २७ जून रोजी निर्णय घेवू असे सांगितले. संस्थेचे अध्यक्ष महेंद्र मोतीलाल कोठारी यांच्या घरी संचालक मंडळाची गुप्त बैठक झाली असून त्यात बदलीबाबत काही एक निष्पन्न झाले नसल्याची खाची लायक समजते.

तरी दि.२७ जून रोजी विद्यार्थी व पालक शाळेचा गेटसमोर उपोषणास बसणार आहेत. निवेदनाचा प्रती मारवड पोलीस स्टेशन, तहसिलदार अमळनेर, गटक्षिणाधिकारी अमळनेर, शिक्षणाधिकारी जि.प.जळगाव, जिल्हाधिकारी जळगाव, शिक्षणमंत्री महाराष्ट्र राज्य व मुख्यमंत्री महाराष्ट्र राज्य यांना पाठविले आहे.

या आंदोलनाचा व्हिडीओ पाहा देशदूत फेसबुकवर.

LEAVE A REPLY

*