चालण्याने सात वर्षांनी वाढते आयुष्य!

0
लंडन | वृत्तसंस्था :  एकाच जागी सतत बसून राहणे हे सर्वच दृष्टीने हानिकारक आहे. आपल्याकडे प्राचीन ग्रंथांमध्ये म्हटले आहे की, तुम्ही चालू लागला की तुमचे दैवही चालू लागते, धावू लागला की धावू लागते आणि तुम्ही बसला की तुमचे दैवही बसकण मारते! आरोग्याबाबत तर ही गोष्ट अक्षरशः सत्य आहे.

आता ब्रिटिश संशोधकांनी म्हटले आहे की, चालण्याने केवळ आरोग्यच सुधारत नाही, तर आयुर्मानही वाढते. तुम्ही दररोज २५ मिनिटे चाललात, तर तुमचे आयुष्य सात वर्षांनी वाढते.हृदयरोगाचे सध्या प्रमाण खूपच वाढलेले असून ५० ते ६० वयोमानातच हृदयविकाराच्या झटक्याने मृत्यू येण्याचे प्रमाणही वाढले आहे.

ब्रिटनमध्ये तर हृदयविकाराचे प्रमाण मोठ्या प्रमाणात वाढले असून, प्रत्येक सात सेकंदात या देशात एकाचा मृत्यू हृदयविकाराने होत असल्याचे चित्र आहे. या सर्वावर एकच उपाय आहे तो म्हणजे चालणे, असे या संशोधकांनी सांगितले.

मयूरोपियन सोसायटी ऑङ्ग कार्डिओलॉजीङ्ग मध्ये (ईएसजी) या संशोधकांनी आपला संशोधनपर अहवाल सादर केला. या संशोधकांनी ३० ते ६० वयोगटांतील ६९ व्यक्तींची तपासणी केली.

त्यांना दररोज चालण्याचा व्यायाम करण्यास सांगण्यात आले. सहा महिन्यानंतर त्यांची तपासणी केल्यानंतर त्यांच्यात काही शारीरिक बदल झाल्याचे दिसून आले. त्यांची रक्ताभिसरण प्रक्रिया सुधारल्याची दिसून आली.

LEAVE A REPLY

*