धरणगाव जलशुध्दीकरण केंद्रातील अडसर दुर : आरक्षण हटविले, काम सुरू करण्याचे आदेश पालिकेला प्राप्त : नगराध्यक्ष सलिम पटेल यांची माहिती

0
धरणगाव |  प्रतिनिधी : अनेक वर्षांपूर्वीपासुन जलशुध्दीकरण केंद्राची प्रलंबित मागणीतील अडथळे आज अखेर दुर झाले. आरक्षण हटवून नियोजीत जागेवर जलशुध्दीकरण केंद्राचे काम सुरू करण्यास प्रशासकीय पातळीवर हिरवी झेडी मिळाल्याची माहिती लोकनियुक्त नगराध्यक्ष सलिम पटेल यांनी आज पत्रकार परिषदेत दिली.

भविष्यात नागरीकांचा जिव्हाळ्याचा पाणी प्रश्न निकाली निघणार असल्याची सलीम पटेल यांनी सांगितले. याप्रसंगी उपनगराध्यक्षा सौ.सुरेखा विजय महाजन, शिवसेना जिल्हाप्रमुख गुलाबराव वाघ व नगरसेवक उपस्थित होते.

धरणगाव शहरवासियांच्या अतिमहत्वाचा शुध्द पाण्याचा प्रश्न आज मार्गी लागला आहे. जलशुद्धीकरण केंद्र उभारण्याला आज मुख्याधिकारी यांनी परवानगी दिली आहे. याकामाचे भूमिपूजन दि ४ सप्टेंबर २०१६ रोजी ना.गुलाबराव पाटील, ना.गिरीश महाजन, आ.एकनाथराव खडसे व अन्य पदाधिकार्‍यांच्या शुभहस्ते करण्यात आले होते.

त्यानंतर राष्ट्रवादी कॉंग्रेसचे तत्कालीन नगरसेवक दीपक वाघमारे आणि मधुकर रोकडे यांनी संबंधीत जागेवर आरक्षण असल्याचे सांगून १९ सप्टेंबर २०१६ रोजी हरकत घेतली होती.

त्यानंतर शहरात पाण्यावरून राजकाण रंगु लागले. पालिका निवडणूक आली तर प्रत्येक राजकीय पक्षांकडून जलशुध्दीकरण व पाणीपुरवठ्याची हमी द्यायची परंतु १९८५ पासुन १४ कोटीची पाणीपुरवठा ची व जलशुध्दीकरण योजनेंची माहिती कागदावरच राहिली व त्यानंतर अनेकांची सत्ता पालिकेवर आली.

परंतु जिव्हाळ्याचा पाणी प्रश्ननावर राजकारण करण्यात आले. शेवटी ना.गुलाबराव पाटील यांनी आपल्या ताकदीनिशी प्रयत्न करून ना हरकतीचा अर्ज निकाली काढुन प्रशासकीय पातळीवर शासनाकडून जलशुध्दीकरण प्रकल्पाचा जी.आर. काढुन ठेकेदाराला काम सुरू करण्याचे आदेश देण्यात आले.

मागील काळात मुख्याधिकारी यांनी ठेकेदाराला काम बंद करण्याचे आदेश दि ७ ऑक्टोबर २०१६ रोजी दिले होते. आज दि. २१ जुन २०१७ रोजी मुख्याधिकारी यांनी संबंधित ठेकेदाराला काम सुरू करण्याचे आदेश दिल्याची माहिती नगराध्यक्ष सलिम पटेल यांनी दिली.

आता भविष्यात एका वर्षाचा आत जलशुध्दीकरण प्रकल्प सह नवीन पाईप लाईनचे काम पुर्ण करण्याचा विश्‍वास पत्रकार परीषदेत करण्यात आला.

याप्रसंगी गटनेते पप्पु भावे. नगरसेवक वासुदेव चौधरी, भागवत चौधरी, भानुदास विसावे, विजय महाजन, डॉ. विलास माळी, बांधकाम सभापती सुरेश महाजन, अजय चव्हाण, नंदु पाटील सहआदि नगरसेवक उपस्थित होते. कामाचे आदेश प्राप्त झाल्याबरोबर धरणगाव शहरातील शिवसेना पदाधिकार्‍यांनी फटाके फोडून आनंद साजरा केला.

 

LEAVE A REPLY

*