अवघ्या दोनच वर्षात सूतगिरणी उभी करणार – आ शिरीष चौधरी : राजमाता जिजाऊ सूतगिरणी कार्यालयाचा शुभारंभ

0
अमळनेर (प्रतिनिधी ) “हाताला काम आणि शेतीला पाणी” हा शब्द आम्ही अमळनेरकर जनतेला दिला होता त्यानुसार जलयुक्त शिवार कामाच्या माध्यमातून शेतीला पाणी देण्याचा प्रामाणिक प्रयत्न आम्ही केला असून आता रोजगारासाठी सुतगिरणीचे निर्माण करीत आहोत.
अवघ्या दोनच वर्षात सुतगिरणीचे निर्माण होऊन पुन्हा उद्योग नगरी म्हणून अमळनेरची ओळख निर्माण होईल असा विश्वास आ शिरीष चौधरी यांनी कार्यालयाच्या शुभारंभ प्रसंगी व्यक्त केला . राजमाता जिजाऊ शेतकरी सूतगिरणी कार्यालयाचा शुभारंभ प पु प्रसाद महाराज यांच्या शुभहस्ते करण्यात आला
 याप्रसंगी प पु प्रसाद महाराज,आ स्मिता उदय वाघ,सुतगिरणीचे चेअरमन डॉ रवींद्र चौधरी ,व्हा. चेअरमन .किरंणभाऊ गोसावी,संचालक वानखेडे सर व असंख्य मान्यवर उपस्थित होते.स्टेशन रोडवरील  हिरा पॅलेस येथे कार्यालयाचा शुभारंभ करण्यात आला.
सुरवातीला महाराजांच्या हस्ते कार्यालयाचा शुभारंभ होऊन प्रातिनिधिक स्वरूपात 11 शेतकरी बांधवाना सूतगिरणी शेअर्स चे वितरण करण्यात आले यावेळी आशिर्वादपर मनोगतात महाराजांनी सूतगिरणी च्या कार्याला शुभेच्छा देऊन चौधरी बंधूंचे कौतुक केले व हा महत्वाकांक्षी प्रकल्प नक्कीच उभा राहील असा आशीर्वाद दिला.
आपल्या अध्यक्षीय भाषणात आ चौधरी पुढे बोलताना म्हणाले की या भूमीवर शेतीला पाणी देण्याच्या दृष्टीने आम्ही स्व खर्चातून जलयुक्त शिवार अभियान राबविले यासाठी आमचे बंधू डॉ रवींद्र बापू चौधरी यांनी हिरा उदयोग समूहाच्या माध्यमातून सव्वा ते दीड कोटी निधी देऊन अनेक गावांत नाला खोलीकरण केले.
यामुळे पाणी आडवा पाणी जिरवा या संकल्पनेस चालना मिळाली असून अनेक गावांचा पाणी प्रश्न सुटून शेतीला पाणी मिळणार आहे,हे अभियान यापुढेही सतत सुरु राहणार आहे,त्याच प्रमाणे दिलेल्या शब्दानुसार हाताला काम देण्यासाठी मोठ्या प्रयत्नाने  मुख्यमंत्री यांच्या सहकार्याने राजमाता जिजाऊ शेतकरी सहकारी सूतगिरणी ला आम्ही शासनाची मंजुरी मिळवली आहे.
अमळनेर ला पूर्वीप्रमाणेच उद्योग नगरी म्हणून ओळख निर्माण करण्यासाठी आमचे हे प्रामाणिक प्रयत्न असून शेतकरी बांधवांनी शेअर्स म्हणून गुंतावलेला पैसा कुठेही जाणार नाही ही आमची हमी आहे.
साक्षात प पु प्रसाद महाराजांचे आशीर्वाद आमच्या सोबत असल्याने व आ स्मिताताई यांचेही सहकार्य असल्याने दोन वर्षातच सूतगिरणी उभी करू व  माझ्या हजारो बांधवांना रोजगार उपलब्द करून देऊ व केवळ सूतगिरणी पर्यंत मर्यादित न राहता कापड उत्पादन व नंतर रंगीत कापड हि निर्माण करण्याचा प्रयत्न करू असे अभिवचन आ. शिरीष चौधरी यांनी याप्रसंगी बोलताना दिले.
 आ स्मिता वाघ यांनी प्रताप मिल बंद झाल्यानंतर पेन्शनरांचे गाव म्हणून आपल्या गावाची ओळख आहे परंतु आता सुतगिरणीच्या मंजुरीमुळे उद्योग नगरीकडे पाऊल पडत असून तालुक्यातील बेरोजगारांसाठी आ .शिरीष दादा चौधरी यांना या चांगल्या कामात सहकार्य करू अशी भावना व्यक्त केली.
अडचण आल्यास शेअर्स ची रक्कम हिरा उद्योग समूह परत देणार : डॉ रवींद्र चौधरी
   आमचा हेतू प्रामाणिक आहे आणि आम जनतेचा आमचा कामावर आणि कर्तृत्वावर प्रचंड विस्वास असल्याने  हि सूतगिरणी कुठल्याही परिस्थितीत उभी राहणार यात कोणतीही तिळमात्र शंका नाही.
परंतु दुरदैव्याने काही  अडचण आल्यास शेतकरी बांधवांनी शेअर्स च्या रूपाने दिलेला कष्टाचा पैसा परत करण्यास हिरा उद्योग समूह बांधील राहील व हा आमचा प. पु. प्रसाद महाराजांच्या साक्षीने शब्द आहे असे अभिवचन सुतगिरणीचे चेअरमन डॉ रवींद्र चौधरी यांनी आपल्या मनोगतातून दिले.
पुढे बोलताना ते म्हणाले की आम्ही फक्त आणि फॅक्ट विकासाचे राजकारण करणार असून कोणी काहीही समज गैरसमज पासविण्याचा प्रयत्न केला तर जनता त्यांना जागा दाखविल्या शिवाय राहणार नाही.
  याउलट सभोतालचा अडचणीत असलेल्या जिनिंग  उद्योगाला ला मोठया प्रमाणावर बळकटी देण्याचा आमचा प्रयत्न असेल,तसेच या सुतगिरणीमुळे परिसरातील कापूस पेरा वाढून शेतकऱ्यांना इथेच मार्केट उपलब्ध होऊन लागवड करतानाच हमीभाव मिळेल,शेकडो तरुणांना रोजगार उपलब्द होईल व शहरातील पूरक व्यवसायांना चालना मिळुन आर्थिक सुबत्ता वाढीस लागेल व अमळनेर चे गतवैभव प्राप्त होईल.
अश्या या महत्वाकांक्षी प्रकल्पाचे भूमिपूजन ऑगस्ट अथवा सप्टेंबर महिन्यात करण्याचे आमचे नियोजन असून शेतकरी बंधुसह तमाम जनतेने या प्रकल्पास शुभेच्छा देऊन आमचे हात बळकट करावे अशी अपेक्षा त्यांनी शेवटी व्यक्त केली
यात त्यांनी बिशेष करून स्पष्ट केले की हा प्रकल्प शेतकरी बांधवांचा हिताचा आणि अमळनेर तालुक्याचा विकासाचा भगीरथ ठरणार असून यात जास्तीत जास्त कापूस उत्पादक शेतकरी,व्यापारी तसेच आंम जंतेनेने शेअर घेऊन  सहकार्य करावे.
        कार्यक्रमास खा शी मंडळाचे संचालक मोहन सातपुते,नगरसेवक प्रा अशोक पवार,व्ही आर पाटील,धनगर दला पाटील,महेश देशमुख सुभाष पाटील,श्रीराम चौधरी, गजाजन चौधरी,नरेंद्र चौधरी,दीपक चौगुले,सुनील भामरे,किरण सावंत,सुरेश सोनवणे,सुरेश पाटील,अरुण पाटील,उमेश साळुंखे, रणजित शिंदे,अनिल महाजन,रणजित महाजन,पंकज चौधरी,किरण बागुल,पराग चौधरी,योगराज संदानशिव, किशोर मराठे, सुरेंद्र पाटील, दीपक पाटील, दिनेश मणियार, यासह असंख्य शेतकरी बांधव व आमदार शिरिषदादा मित्र परिवाराचे सदस्य उपस्थित होते.
सूत्रसंचालन उदय पाटील तर आभार प्रवीण पाठक यांनी मानले

LEAVE A REPLY

*